Friday, October 8, 2010

නවතින්න මාලිගාවේ ….. සීදේවි නේනු මා ගේ ….. | Mage Mandri Nam | from Wessanthara Nuurthi by John De Silva

image 

සිංහල සංගීතයේ සර්වකාලීන යැයි හැ‍ඟෙන සෑම කල්හිම ගැයු ගීත  ඇත්තේ ස්වල්පයක් නොවේ. එහෙත් මේ ඒ සියල්ල අබිබවනය කරන්නක් යැයි මට අනන්ත සිතී ඇත.  මාතෘකාව කියැවූ ඔබ සැම ගීතය හොඳින් දන්නාවග මම දනිමි. නමුත් මේ ගීය ප්‍රතිභාපූර්ණ ගායක ගායිකාවන් දහසයකට දහ අටකට ආසන්න ප්‍රමාණයක් පබැඳුනු සමයේ සිට මේ දක්වා ගයා ඇති වග බොහෝ දෙනා නොදන්නාවග දනිමි.

එකදාස් නවසිය මුල් ගණන් වල, වෙනත් වචන වලින් කියනවානම් ටවර් හෝල් යුගයේ අතිශයින්ම ජනාදරයට පාත්‍රවූ ඒ නිර්මාණය මේ සමග ඔබට පිළිගන්වමි. මුල් ගායනය කවුරුන් විසින් කළේ දැයි දැන ගැනීමට නොමැත. මේ ගීතය ඇතුලත් වූයේ නීතිඥ ජෝන් ද සිල්වා මහතා විසින් නිමැයුනු වෙස්සන්තර ජාතක නූර්තියේය.

සූවිසි ලක්ෂයක් වටිනා ආභරණයෙන් සැරැසුණු, සර්වාංගයෙන් ධවල වැසි වස්වන මහත් අනුභාව ඇති දුර්ලභ හස්තියා දන් දුන් හෙයින් නගරවාසීහු කිපෙති. ඔවුහු වෙසතුරු රජු ගේ පියාණන් වූ සඳමහරජාණන්ට පවසනුයේ “වෙස්සන්තර රජ්ජුරුවන් දඟගෙයි ලත් නො පිළිවනැ, දිවිගනුත් නො පිළිවනැ, අප ගෙ රට මැ හිඳැ අප නැසූ තෙනැත්තන් රටින් දුරු කොටැ වංකගිරිපර්වතයට යවනු මැනැවැ, අද ම යවනු මැනැවැ” යනුවෙනි.

වෙසතුරු නිරිඳු මද්‍රි දේවි අමතා පවසන්නේ ‘මා වනයට ගිය යි දළ සෝ දුකින් නො තැවී සුව සේ ජීවත් වන්නැ’ යි යනුවෙනි. ඉක්බිති මද්‍රි දේවි ශෝක ගින්නෙන් තැවෙමින් කඳුළු වගුරමින් “නුඹ වහන්සේ ගෙන් වියෝ ව ජීවත් වීමට වඩා නුඹ හා කැටි ව මිය යෑම උත්තම යැ “යි පවසන්නී ය. ඕ තොමෝ වෙසතුරු රජු ගේ මෑණියන් කී බසට ද මෙ සේ පිළිතුරු දෙන්නී ය. “මා ගෙ ස්වාමීන් හා වල වසන්නෙ ගම වසන්නාට වැඩි සුව යැ, කැටි වැ ගමන් යන කලැ ගෙහි හුන්නා වැනි යැ”

- උපුටාගැනුම බුත්සරණ ගද්‍ය කාව්‍යයෙනි.

සිය හිමියා අත් නො හැර, දිවි දෙවනු කොට ඔහු හා එහැම පීඩා ඉවසා දිවි ගෙවන, එහෙත් එකෙකා පිළිබඳ අවබෝධයෙන් යුතු කතුන් දකින කල මද්‍රි දේවිය ගේ උදාර ජීවන වෘත්තාන්තය හිතලුවෙකැ යි බැහැර කළ නො හැකි ය *.

මගෙ මන්ද්‍රි නම් බිසෝ ගේ
යාච්ඥාවෙ බෝ ය වේගේ
නෙක් චණ්ඩ ව්‍යාඝ්‍ර වාසේ
හිමාල දේශ දේවී

හාමත් ව ඉන්ට වේ මැයි
බෝ දුක් විඳින්ට වෙන්නේ
නවතින්න මාලිගාවේ
සීදේවි නේනු මා ගේ

ගෙයි පාන නෑ ගියෝතින්
මම් අන්ධකාරෙ ඉන්නෙම්
මා බැන්ද පෙම්බරා ගේ
ඒ වාස මාගෙ වාසේ

බෝ චණ්ඩ ව්‍යාඝ්‍ර ආදී
උන්නත් හිමාල දේසේ
එමි ස්වාමි එක්ක නික්මී
ඒ ජීවිතේට පේ වී

ගීත

අමරදේව මාස්ටර්

දයාරත්න රණතුංග හා අමරා රණතුංග

වික්ටර් රත්නායක හා කුමාරි මුණසිංහ

අමරසිරි පීරිස් හා නිර්මලා රණතුංග (ගුරු ගෙදර චිත්‍රපටය -රඟපෑම් රවින්ද්‍ර රන්දෙණිය හා යශෝධා විමලධර්ම)

කෝලිත භානු දිසානායක  හා දීපිකා ප්‍රියදර්ශනී

කිත්සිරි ජයසේකර

සුදත් සමරසිංහ - මැණිකේ අත්තනායක

සමහර ගීත මවිසින් පටිගත කරන ලද ඒවාය (කැසට් පට හා ගුවන්විදුලියෙන්). දුර්වල ශ්‍රවණ තත්වය ගැන සමාව අයැදිමි.අවසන් පිටපත ටවර්හෝල් රඟහල අඩවියෙනි.

 

හැබෑට මොකක්ද හොඳ? හොඳම එක?
ජය....!!

 

එකම ගීය දෙදෙනක් ගැයූ අයුර ගැන මවිසින් පෙරදී ලියන්නට යෙදුන ලිපිය මෙතැනින්...

http://blogvampa.blogspot.com/2010/08/blog-post_15.html

 

 

(* සිළුමිණ පුවත්පත)

13 comments:

  1. නියමයි කොල්ලො ඔක්කොම ටික එක්කහු කරල දාපු එක.

    ReplyDelete
  2. මමත් ගොඩක් ආස කරන ගීයක්. ස්තුතියි.
    මැණික්(සුළඟ)

    ReplyDelete
  3. කවුරු කිව්වත්... නැ...ගායනා කලත් සින්දුව ලස්සනයි...ඒක සින්දුවේ ව්ශේෂත්වයක් වෙන්න ඇති...මේක ෂුවර් එකටම රාගයක් මුල් කරගේන සOගීතය දාපු එකක් වෙන්න ඕනා (කොහොමද මයියගේ සOගීත දැනුම?)... සින්දු ඔක්කෙම එකලග තියන්නත්, වැම්පයර් කොරලා තියෙන්නෙත් සුලු පටු උත්සහයක් නෙමෙයි..ඔන්න ඒ උත්සහයට මයියගේ සැලියුට් එක.ඔහොම යO එහෙනම්...

    ReplyDelete
  4. අහල තියෙන නූර්ති ගීතවලින් මම ගොඩාක්ම ආස ගීතයක් මේක. මම නම් වැඩියෙන්ම කැමති සුදත් සමරසිංහ සමඟ මැණිකෙ අත්තනායක කියන version එකට. ඊලඟට වික්ටර් රත්නායකයන්ගෙ ගායනට. ගොඩක් ස්තූතියි.

    ReplyDelete
  5. ලස්සනම සිංදුවක් මචන්...බොහොම ස්තුතියි.

    මම දන්න විදිහට නම් පළවෙනි කොටස මෙහෙමයි...

    මගේ මන්ද්‍රී නම් බිසෝගේ
    යාච්ඤාව බෝය වේගේ
    නෙක ඡණ්ඩ ව්‍යා‍ග්‍ර ආදී
    උන්නත් හිමාල දේසේ

    ReplyDelete
  6. උඹ ඉතින් දුන්නොත් ගේමක් ආයෙ ඒකෙ කතා කරන්න දෙයක් නෑනෙ...

    ReplyDelete
  7. ඇත්තටම මේ සිංදු කවුරු කිවුවත් ලස්සනයි... දැන් මේවලේ ගීතයක් අහන්න ලැබෙන්නේ කලාතුරකින්නේ... ඉතින් මමනම් හැම එකම ගත්තේ නැහැ.. එත් අමරදේසව මාස්ටර් ගේ හඩටයි අමරසිරි පීරිස්ගේ හඩටයි මං ගොඩාක් කැමතියි... බොහෝම පින් චැම්පයර් සහෝට...

    ReplyDelete
  8. හරිම වටින ලිපියක් වැම්පෝ . . .

    ඔක්කෝම ටික ඇහුවා එක දිගට (අතරින් පතර මගේ සොඳුරු ත්‍රස්තවාදියාගේ ප්‍රහාර ආවා තමයි හි හි)

    මට නම් හිතුනේ පිරිමි කඩහඬ ට අමරදේව මාස්ටර්ගේ කටහඬයි ගෑනු කටහඬට නිර්මලා ගේ කටහඬයි mix කරලා අළුත් පටිගත කිරීමක් කල නම් ගොඩක්ම අපූරු නිර්මාණයක් බිහි වේවී කියලයි.

    බොහොම වටින ලිපියක් වැම්පෝ . .

    මම නම් උපරිමයෙන් මේ ගීත ටිකයි රචනයයයි වින්දා, බුත්සරණ කාව්‍යයෙන් එහෙම උපුටා ගැනීම් දාලා උඹ බොහෝම වෙහෙස වෙලා තියෙනවා මේ ලිපිය වෙනුවෙන් . .

    ඒත් කියන්න සතුටුයි උඹ මහන්සිය අපතේ ගියේ නෑ . .

    ගොඩක් ස්තූතියි

    ReplyDelete
  9. ෂෝක් ලිපිය අයියෙ ( මම ඔයා තරං නාකි නැතුව ඇති නෙ ;) )
    අමරදේව මාස්ටර්, සමිතා මුදුන්කොටුව එක්කද කොහෙද කියන එකක් තියනවා. මම ඒකට තමා වැඩියම ආස.
    ඒක මේකෙ කෝලිත භානු + දීපිකා ප්‍රියදර්ශනී ගායනයේ තනුව වගේ.
    ඊලඟට කැමති ගුරු ගෙදර ගීතයට .. අනේ ඒ ෆිල්ම් එකේ මොකද උනේ කියල මම මේ තාම මතක් කරනවා.. මතක නෑ නෙ :(

    ReplyDelete
  10. අවුට්සයිඩර්, මැණික් - තැන්කූ වේවා

    ReplyDelete
  11. මයියා - එල එල.. අපිට නොතේරෙනවැයි..
    සිංහල නූර්ති- පැමිණීමට ස්තුතියි. ඔබේ අඩවිය විශිෂ්ඨයි..
    ග්‍රේ- එක එක අය එක එක විදියටයි කියන්නෙ මචන්..
    ශැඩෝ, අභීත- ස්තුතියි ආවට..

    ReplyDelete
  12. පොඩ්ඩ මල්ලි- අදහසට ස්තුතියි...
    දුකා අයියා- හොඳ අදහසක් තමයි. මටත් පිරිමි හඬවල් වලින් අමරදේව මහත්තයගේ හඬට තමා වැඩියෙම කැමති
    ස්වප්නා- බොහොම ස්තුතියි...

    ReplyDelete

මොනවා හරි කුරුටු ගාමු... comments will be visible after approval ...!

LinkWithin

Related Posts with Thumbnails