Sunday, November 6, 2011

බොලොග් මල් දම

පයිරෙට් බෙදීමද
පිටවල් කසාගැනුමද
ලිපි කොපි ගැසීමද
බූරු ලකුණුය සිතන් හැම සඳ

හිට්ස් ඉල්ලන්නේ
කොමෙන්ට් හිඟන්නේ
පානිය දාන්නේ
මොකට මේ හැටි චෝරු වෙන්නේ

කුනුහරුප නොකියනු
විසුලු කැත බස් නොකියනු
අපහාස නොකරනු
නහය ගාවින් පොල්ල නවතනු!

හොඳ යමක් දු‍ටු තැන
අගයමින් එම නිමැයුම
කොමෙන්‍ටුව දමමින
කරනු දිරියක් සුදුසු විලසින

තමන් මත ලියනට
තහනමක් නැත කෙනෙකුට
අන් මත ඉවැසුමට
මහත්වරු නම් නොවෙති පසුබට

දෙකක් දා ගන්නේ
කවි සිත් පහල වන්නේ
ඔහේ ලියැවෙන්නේ
අනේ මන්දා මොකද වෙන්නේ

-වැම්පා මුල්ගුරුතුමා...


ගූගල් බසයක පබ්ලිශ් කරන ලදුව, ලිවීමට දෙයක් නොමැත්තේ, මෙහිමැ නැවැත පබ්ලිශ් කරන ලදී..

Tuesday, September 27, 2011

රාණී එන්කෝ නැඟී පෙම් - Yaad kiya dil ne kahaan ho tum



රාණී එන්කෝ නැඟී පෙම්.. ගීතය සිංහල ගී පොතට ඇතුළුවන්නේ නවසිය පන්සතරේ තිරගත වන බී.ඒ. ඩබ්. ජයමාන්නයන්ගේ අයිරාංගනී චිත්‍රපටය සමඟිනි. මේ පෝස්ටයේ ඇතුලත් වන්නේ ඒ මුල් ගායනයේ පිටපතයි. ගීතය ගායනාකරන්නේ මොහිදීන් බෙග් හා රුක්මණී දේවී විසිනි.



අතුරු කතා

බී. ඒ. ඩබ්ලිව්. ජයමාන්න සිංහල සිනමාවේ වැදගත් චරිතයක් වෙන්නේ ඔහු කඩවුණු පොරොන්දුවේ අධ්‍යක්ෂක වරයා වීම හෝ එඩී. ජයමාන්නගේ සහෝදරයා වීම පමණක් නිසාවෙන් නොවේ. මුලින්ම සිංහල නවකතා ආශ්‍රයෙන් චිත්‍රපට නිපදවීම ආරම්භ කරන්නේත් පෙරේරා මහතායි. නවසිය පනස්තුනේ තිරගතවූ කැළෑහඳ චිත්‍රපටය එහි පළමුවැන්නයි.  වැරදුණු කුරුමාණම, සැඟවුණු පිළිතුර, උමතු විශ්වාසය, අයිරාංගනී , කපටි ආරක්ශකයා වැනි චිත්‍රපට ‍රැසක නිර්මාණකරුවා වන්නේ ජයමාන්න මහතායි.

අනෙක් අතට...

බී. ඒ. ඩබ්. පෙරේරා මහතා නිපැයූ  චිත්‍රපට වල දක්නට ලැබෙන දුර්වලතාවය නම් ඒවා තත්‍ය ලෝකයෙන් මදක් බැහැර වූ නිර්මාණ වීමයි. බොහෝ විට ව්‍යාකරණානුකූල පොතේ බස චිත්‍රපටයට යොදාගැනුන හෙයින් අද රසවින්දනයට බොහෝ චිත්‍රපට නොගැලපේ යන්න මගේ හැඟීමයි.  දකුණු ඉන්දීය චිත්‍රාගාර, දකුණු ඉන්දීය කලා අධ්‍යක්ශකවරු සිංහල සිනමාව පාලනය කළ ඒ කාලයේ බී. ඒ. ඩබ්. පෙර්රාට ස්වාධීන වීමට ඉඩ නොතිබුණා විය හැකියි. නමුත් පසුව ඔහු සිය ස්වතන්ත්‍ර නිර්මාණ පවා දකුණු ඉන්දීය ආභාශයට තැනූවේ මක් නිසාද යැයි මට නම් නොවැටහේ.

නැවත කතන්දරය


නවසිය පනස් හතරේ බී. ඒ. ඩබ්. පෙරේරාගේ අයිරාංගනී චිත්‍රපටයට මොහිදීන් බෙග්, රුක්මණී දේවි ගැයූ මේ ගීය ඊට වසරකට පෙර හේමන්ත් කුමාර් හා ලතා මංගේශ්කාර් පටීටා චිත්‍රපටයට ගැයූවක්.  දේව් ආනන්ද් හා ඌශා කිරන් රඟපෑ පටීටා චිත්‍රපටයේ සංගීතය ශංකර් ජයකිශන්. ශෛලේන්ද්‍ර රචනා කළ මේ ගීතය සතියකට වරක් වත් මගේ ප්ලේ ලිස්ට් එකේ නොවැරදීම වාදනය වන්නක්. අහල බලන්න.






ජය.. වැම්පයර්

Saturday, September 24, 2011

"කවියන්ගෙ රස හැඟුම" හින්දි කොපියක්ද? Vilbert Anthony



පැරණී සිංහල ගීත ප්‍රියකරන අයට විල්බට් ඇන්තනී කියන නම අමුතුවෙන්න විදියක් නෑ. හැත්තෑව දශකයේ මීගමුවෙන් කරළියට ආ විල්බට් ඇන්තනී අසූ ගණන් වල අග හෝ අනූ  ගණන් වල මුල දක්වා ගී ගැයුවා. ගුවන්විදුලියේ අනූව දශකයේ අග වෙනකන් විල්බට් ඇන්තනී ගේ ගීත ප්‍රචාරය වුණා.


විල්බට් ඇන්තනීගෙ එකල ජනප්‍රිය ගී අතර..

කුංකුම චන්දන අංජන තවරා චාන්දනි සිනාසුනා..(මං කැමති එක)
බඹරු මත්වෙලා මලට ළංවෙලා.. ඔබට ළංව මහද මත්වෙලා.. .කඳුලු වියැලුනා.. සිනහ මතුවුනා.. අපගෙ ලොවට සතුට යා වුණා (මං කැමති දෙක)
නොමග නොයන් පුතේ.. නුඹට රටක් ඇතේ (සමහර අය හිතන් ඉන්නවා මේක අබේවර්ධන බාලසූරියගෙ කියලා.. නෑ මේ විල්බට්.. මේකෙ අනිත් වර්ශන් එකටයි  මං වැඩිය කැමති හික්ස්!)
සුදු සේල අගින් වැසු නීල නුවන්.. විහිදා මාවෙත බලනු ඉතින්..  (මං කැමති තුන)
ගම හැරදා සිදාදියට දීග ගියත් නෑනෝ..


වැනි ගීත මතකයට එනවා..


හරි නෙ දැන් ඕං කතන්දරේ.


අද උදේ පාන්දරම විල්බට් ඇන්තනීගෙ "කවියන්ගෙ රස හැඟුම පුබුදා තියා" ගීතය වින් ඈම්පයේ වාදනය වෙන්න පටන්ගත්තා.  බොහෝ දෙනා නොදන්නවා වුණාට  මේ ගීතය හින්දි අනුකාරක ගීතයක්! අර මේ නොනිමෙන දිවි ගමනේ එක වගේ තමයි!

මුලින්ම අපේ එක අහල ඉමු..!
http://www.divshare.com/download/15787293-b85






හැටතුනේ තිරගත වෙච්ච "භාරෝසා" චිත්‍රපටයට මහේන්ද්‍ර කපූර් හා ලතා මංගේශ්කාර් තමයි මේ ගීතය කියන්නෙ. සංගීත අධ්‍යක්ෂණය රවි ගෙන්.  ඒ කාලෙ හැම ‍ෆිල්ම් එකකටම වගේ සින්දු ලියපු රාජේන්ද්‍ර ක්‍රිශ්ණන් තමයි  මේකෙ පද රචනෙ.  ගුරු දත් හා ආශා පරෙක් තමයි මේකෙ රඟපාන්නෙ.




පොඩි සටහනක්. චිත්‍රපටය නම් බලලා නෑ. ඒක නිසා ඒ ගැන කියන්න දෙයක් නෑ. දන්න කෙනෙක් ඉන්නවානම් සටහනක් කරලා යන්න.

Thursday, September 22, 2011

පූජා.....පූජා වේවා...... | Joe Abeywickrama



දරු දුක උහුලා තනිව වැලපෙනා
බුදු බව ලබනා පියවරු වෙසෙනා
පූජා.....පූජා වේවා......

මහමෙර වැනි බර සිතින් උහුලනා
කඳුලැලි සමුදුර නෙතින් සඟවනා
දරු දුක උහුලා තනිව වැලපෙනා
බුදු බව ලබනා පියවරු වෙසෙනා

මව් ඇති දාටත් සෙනෙහස පුදනා
මව් නැති දාටත් තුරුලේ රකිනා
සසර ගෙවෙන තුරු දරුවන් රකිනා
බුදු බව ලබනා පියවරු වෙසෙනා
පූජා...... පූජා වේවා...........
ධර්මසිරි ගමගේ ගේ පූජා (1986) චිත්‍රපටයට ධර්මසිරි ගමගේ රචනා කල කේමදාසයන් සංගීතවත් කළ මේ ගීතය ජෝ අබේවික්‍රමයන් ගේ රංගන ප්‍රතිභාව මැනැවින් පිළිබිඹු කරන කැඩපතක් වැන්න.

ජෝ අබේවික්‍රම මහත්තයා.. ආයෙ හම්බෙමු.. එතකන් ඔබට සුබ ගමන්...!

Monday, September 19, 2011

එම්. කේ. රොක්සාමි - අවසන් කොටස | M. K. Roksami



ලිපි අංක එක

සිංහල සිනමා සංගීතයේ මුලින්ම ජනප්‍රියත්වයට පත්වුණ බී එස් පෙරේරා මහතා හෘදයාබාධයකින් හදිසියේ මියයන්නේ මේ අතරතුරයි.  පෙරේරා මහතා ගේ වාද්‍ය වෘන්දයේ වයලීන වාදකයා වූ රොක්සාමිට අඩක් නිමැවූ බී එස් පෙරේරාගේ කටයුත්ත සම්පූර්ණ කිරීමට ලැබුණි.  රොක්සාමි නම් වාදකයා තුළ සැඟවසිටි සංගීත අධ්‍යක්ෂකයා කළ එලි බසින්නේ ඒ ආකාරයෙනි. එතැන් පටන් සහය සංගීත අධ්‍යක්ෂණයට යොමුවන රොක්සාමිට සම්පූර්ණ චිත්‍රපට සංගීත අධ්‍යක්ෂණය කිරීමට ලැබීමටද යන්නේ සුළු කාලයකි. ධීවරයෝ, රන්රස, සිඟිති සුරතල්, ආත්ම පූජා, චිංචිං නෝනා, සඳවට රන්තරු, ඇතුළු චිත්‍රපට හැටකට පමණ නවසිය හැටේ සිට මියෙනතුරා රොක්සාමි සංගීත අධ්‍යක්ෂණයෙන් දායක වීය.

අතුරු කතාවක්....

චිංචිං නෝනා චිත්‍රපටය තිරගතවූයේ නවසිය හැත්තෑ හතේ දීය. එවසරේදීම අග භාගයේ ටොම් පචයා නම් හාස්‍යජනක චිත්‍රපටය ප්‍රදර්ශණය ඇරඹින. රටේ සමහර තැන්වල "චිං චිං නෝනා ගියා... ටොම් පචයා ආවා" ලෙසට පෝස්ටර් අලවා තිබිණි.  (මූලාශ්‍රය - අපේ තාත්තා)

නැවතත්..

මේ හැරුණුකොට රොක්සාමි ලාංකීය ද්‍රවිඩ චිත්‍රපට හතරකටද සංගීතය සපයා ඇති බැව් සුනිල් ආරියරත්නයන්ගේ වාර්තාවේ සඳහන් වේ.  එයිනුදු නොනැවති රොක්සාමි තමිල්නාඩු ද්‍රවිඩ චිත්‍රපට ගී සඳහාද සිය වයලීනය අනලස්ව වැයීය.  තවද අසූව දශකයේ මුල නැගී ආ ඒක පුද්ගල ගී ප්‍රසංග ‍රැලි වල ප්‍රබුද්ධයන්ගේ වාද්‍ය වෘන්දයන්හි ප්‍රධාන වයලීනය වාදනය කළේ රොක්සාමිය.

ගෙට ගිනි තබයි.........

අසූ තුනේ සිංහල ද්‍රවිඩ කෝලාහල සමයේදී රොක්සාමි විසින් අපහසුවෙන් ගොඩනගාගෙන තිබුණු නිවෙසට ගිණි තබා මුළුමනින්ම විනාශයට පත්කරන ලදුව, රොක්සාමිට පවුලේ අය සමඟින් අනාථ කඳවුරක ගාල් වීමට සිදුවේ. සිංහල චිත්‍රපට ක්ශේත්‍රයේ මිතුරන්ගේ දායකත්වයෙන් රොක්සාමිට නැවතත් නිවෙස පිළිසකර කරගෙන පදිංචි වීමට ලැබෙන්නේ කළබල මුළුමන්ම සමථයකට පත් කළ පසුවයි.

ජීවිතයේ අවසන් කල වෛද්‍ය උපදෙස් මත සැක්සෆෝන් වාදනය හැරළූ රොක්සාමි වරින් වර රෝගාතුර වූයේය. පිළිකා රෝගයෙන් පීඩා විඳි රොක්සාමි අසූ අටේ අවුරුද්දේ පවුලට කුඩා නිවසක් හා වාද්‍ය භාණ්ඩ කිහිපයක් පමණක් ඉතිරිකරමින් අවසන් හුස්ම හෙළීය.

ශ්‍රී ලංකාවේ මෙතෙක් බිහිවූ හොඳම වයලින් වාදකයා රොක්සාමි මාස්ටර් යැයි බොහෝ දෙනා අවිවාදයෙන් පිළිගනිති.

රොක්සාමි ගී..

මැණිකක් රකිනා නා රජි‍ඳෙකු සේ - බෙග් මාස්ටර් චන්ඩාලි චිත්‍රපටයට රාණි පෙරේරා සමග
ජීවන විල මැද - සුජාතා අත්තනායක
සරවන බව කඳ සුරිඳුගෙ - බෙග් මාස්ටර්
නිදහස් කාහල නාදය ‍රැව්දේ - ජේ. ඒ. මිල්ටන් පෙරේරා
මල් කැකුළී කෝමළී මනාලී - ජෝතිපාල
හ්ර්දෙ රස මාලිගේ - සුජාතා අත්තනායක
මිනිසාමයි ලොව දෙවියන් වන්නේ - බෙග් මාස්ටර්
පොඩිකාලේ අපි දෙන්නා - ජේ. ඒ. මිල්ටන් පෙරේරා
බුදු සාමිනි සිරිපා - ඉන්ද්‍රාණි විජේබණ්ඩාර
සිතුම් පැතුම් පොදි ආදරේ - මිල්ටන් මල්ලවාරච්චි

ජීවන විල මැද (කරුණාසේන ජයලත්) ගීතය හැරුණු විට අන් සියළුම ගී වලට පද රචනය සැපයූයේ කරුණාරත්න අබේසේකර ය.
පහත වීඩියෝවේ රොක්සාමි ගේ රුව දැකගත හැක. වයලීනය වාදනය කරන්නේ රොක්සාමිය.

http://blogvampa.blogspot.com/2010/08/dev-lo-sepa-labantath-shelton-pera.html

සියයට අනූවක් පමණ කරුණු මතක් කරගැනුමට හා පෙළගැස්වීමට මහැදුරු සුනිල් ආරියරත්නයන්ගේ ගාන්ධර්ව ආපදාන කෘතිය මහත්ම පි‍ටුබලයක් වීය.


ජය..
වැම්පයර්

Sunday, September 18, 2011

ඇම්. කේ. රොක්සාමි | M. K. Roksami



මව හා පියා දකුණු ඉන්දීය සංක්‍රමණිකයන් වූ එම්. කේ. රොක්සාමි, හෙවත් අප කවුරුත් හඳුනන රොක්සාමි මාස්ටර් උපත ලැබුවේ දකුණු පලාතේ ඇල්පිටීය  නගරයේය. ඔවුහු පසුව කොළඹ නගරය ස්ථිර වාසස්ථාන කොට ගත්හ. දෙමාපිය සංගීත ලෝලීත්වය හා දෙමාපිය හැකියාව කුඩා රොක්සාමි ගේ සිත සංගීතය කෙරේ බැඳ තබාගැනුමට සමත්වූහ යි යන්න මුසාවක් නොවේ. එකල තබ්ලා, ස්ර්පිනා, මැන්ඩලිනය හා වයලීනය හැසිරවූ කුඩා දෑත් පසු කලෙක සිංහල සිනමාවේ චිත්‍රපට හැටක පමණ සංගීත අධ්‍යක්ෂණයෙනුත්, තවත් පන්සියයක පමණ වාදනයෙනුත් දස්කම් දක්වාවියැයි කිසිවකු සිහිනෙනුදු නොසිතන්නට ඇත.

කුඩා රොක්සාමිගේ හැකියාව දුට පාසලේ ගුරුවරයෙකු රොක්සාමි දරුවා සංගීත පන්තියකට ඇතුලත් කිරීම සිදුකරනු ලබයි. දෛවෝපගත වෙනස ඇරඹෙන්නේ එතැනිනි. රොක්සාමි ගේ කුසලතා හා දරිද්‍රතාව ඉහවහ ගිය පවුල් පසුබිම හඳුනාගත් සංගීත ගුරුවරු ඔහුට උදක් ම උපකාර කළහ. මෙසේ හෙයින් ඉතා සුළු කලෙකදී දකුණු ඉන්දීය සංගීතයේ කෙළ පැමිණීමට කුඩා රොක්සාමිට හැකියාව ලැබුණි.

තම කුසලතා වේදිකාව මතට ගෙනයාමට මං සොයද්දීය ඔහුට ආර්. ඒ. චන්ද්‍රසේනයන් මුණගැසෙන්නේ.  එකල මහත් ජනාදරයට පත් "දශ බල ධාරී බුදුරජු පෙරකල.. ඉපිද හිමාලේ " යන චන්ද්‍රසේනයන්ගේ ගීතයට වයලීන වාදනය කිරීමට රොක්සාමිට මං සැලසෙන්නේ එලෙසය. මෙසේ  තම කුසලතා මුල්වරට මහජන වේදිකාවක දිගහරින රොක්සාමිට එයින්ම එකල ප්‍රවීන වාද්‍ය සංගීත ශිල්පීන් මුනගැසීමේ භාග්‍යයද උදාවන්නේය. ඔහුට රාමයියා මුත්තුසාමි හෙවත් ආර් මුත්තුසාමි මුණගැසෙන්නේ එපරිද්දෙනි.

මුත්තුසාමි එකල ශ්‍රී ලංකාවේ ප්‍රථම හා එකම චිත්‍රපට ශබ්දාගාරය වූ කඳානේ සුන්දර සවුන්ඩ්ස් හි වාද්‍ය වෘන්දය ස්ථාපිත කිරීමෙහි නියුක්තව සිටියේය. රොක්සාමි සුන්දර සවුන්ඩ්ස් හි නිත්‍ය වාද්‍ය සාමාජිකයෙකු වන්නේ මුත්තුසාමිගේ ඇරයුම අනුවයි.  බටහිර සංගීතය තනිවම ඉගනගනිමින් විවේකය ගතකළ රොක්සාමිට බටහිර සංගීතයේ ද ප්‍රවීණයෙකු වීමට ගතවූයේ ස්වල්ප ප්‍රමාණ කාලයකි. සැක්සෆෝන් වාදනය තනිවම ඉගන ගන්නා හේ ඉන් පසු ගුවන් විදුලි වාද්‍ය වෘන්දයේ සාමාජිකයෙකු වන්නේය. පසුව එයින් ඉවත්වූ රොක්සාමි චිත්‍රපට හා ග්‍රැමෆෝන් තැටි සංගීතයට පූර්ණකාලීනව අවතීර්ණ වීය. එච්. එම්. වී. ලේබලය නොහොත් හිස් මාස්ටර්ස් වොයිස් ලේබයල යටතේ ඉදිරිපත් කෙරුණ සී.ටී. ප්‍රනාන්දු , වොලී බැස්ටියන්  ඇතුළු සමකාලීනයන්ගේ තැටි වල සංගීත සැපයීම හා සංගීත අධ්‍යක්ෂණය කෙරුණේ රොක්සාමි ගේ 'තිනි.

පහත වීඩියෝවේ වයලීනය වාදනය කරන්නේ රොක්සාමි මාස්ටර් ය.



මී ළඟට....
අවමඟුලක් රොක්සාමිට වාසනාව ගෙනෙයි..
 
ජය..
වැම්පයර්


ආශ්‍රය ග්‍රන්ථ-
ගාන්ධර්ව ආපදාන - මහාචාර්ය සුනිල් ආරියරත්න 

Thursday, September 15, 2011

අමුතු ප්‍රස්න.. | Brain teasers




මෙන්න පොඩි අමුතු තාලෙ ප්‍රස්න ටිකක්. රනිල්ගෙ ප්‍රස්නෙ වගේ නෙවයි හැබැයි. පොඩි උත්සාහ පාරක් දාන්නකො, අමාරු නෑ.  අර ගීතක අයියත් කියන්නෙ උත්සාහවන්තයාගෙ පුතා ජයගනී කියලා. මමත් අහල තියන කතාවක් තමා ඉතින් උත්සාහවන්තයා ණයගනී කියන එක.

ප්‍රස්න අංක එක-
බාස්කට් එකක බිත්තර හයක් තියනවා. මිනිස්සු හයදෙනෙක් බිත්තර ගන්නවා එක බැගින්. අන්තිමට බාස්කට් එකේ බිත්තරයක් ඉතුරුවෙනවා. ඒ කොහොමද?

ප්‍රස්න අංක දෙක-
තට්‍ටු විස්සක බිල්ඩිමක ජනේලෙන් වැටෙනවා මනුස්සයෙක්. ලොකු තුවාලයක් හෝ කම්පනයක් නෑ. ඒ කොහොමද?

ප්‍රස්න අංක තුන-
පොලිස් ඔ‍ෆිසර් කෙනෙක් දකිනවා ට්‍රක් ඩ්‍රයිවර් කෙනෙක් පාරෙ වැරදිපැත්තෙ යනවා. මෙයා නීතියට වැඩකරන ඔ‍ෆිසර් කෙනෙක් උනත් මේක නොදැක්කා වගේ ඉන්නවා. ට්‍රක් ඩ්‍රයිවර් දේශපාලනේට හෝ පොලිසියට සම්බන්ධ කෙනෙක් නෙවයි. ඇයි එහෙනම් පොලිස් ඔ‍ෆිසර් නිකං බලං ඉන්නෙ?

ප්‍රස්න අංක හතර-
ව්‍යාපාරිකයෙක් ඩොලර් එකට තිරිඟු පිටි කිලෝවක් අරන් ශත දහයට ඒක (පිටි කිලෝව) විකුණනවා. මෙහෙම කරල මෙයා මිලියනයර් කෙනෙක් වෙනවා. එහෙම වෙන්නෙ කොහොමද?



ප්‍රස්න අංක පහ-
සංචාරකයෙක්ට එකපාරට නිදාගෙන ඉන්න වලහෙක් හම්බෙනවා. මෙයා කරන්නෙ දකුණු පැත්තට කිලෝමීටරයකුත් එතන ඉඳන් නැගෙනහිරට කිලෝමීටරයකුත්, ආයෙත් එතනින් උතුරට කිලෝමීටරයකුත් දුවනවා. මෙන්න බොලේ ආයෙ අර වලහා! හැබැයි වලහා ඉන්න තැනින් හෙලවිලා වත් නෑ.  වලහගෙ පාට මොකක්ද? මොකක්ද හේතුව?

ප්‍රස්න අංක හය-
පෙන්ගුයින් ලා ඇස්කිමෝලට බය නෑ, මොකද ඇස්කිමෝලා පෙන්ගුයින් දඩයම් කරන්නෙ නෑ. මොකක්ද හේතුව?



ප්‍රස්න අංක හත-
සඳුදා, බදාදා, බ්‍රහස්පතින්දා, සෙනසුරාදා වචන බාවිතා නොකර එක ළඟ දවස් තුනක් කියන්නෙ කොහොමද?

කියමු බලන්න..




පසු ලියමන-
ප්‍රස්න මගේ නෙවයි. කාලෙකට කලින් ආපු මේලයක තිබුන ටිකකින් මතකෙට ආපු ටික. මතකෙට ආවෙ පොඩ්ඩක් කල්පනා කරල උත්තර හොයාගනිපු ටික නිසා. යම් තරමක තාර්කික උත්තර තියෙනවා හැම ප්‍රස්නෙටම.


ජය..
වැම්පයර්

Tuesday, September 6, 2011

නන්දා මාලිනී.. | Nanda Malini - The Golden Era



අසූව දශකය නන්දා මාලිනිය ගේ සංගීත දිවියේ උච්චස්ථානය සනි‍ටුහන් වූ දශකය ලෙස නම් කිරීම උචිත යැයි හඟිමි. කප් සුවහස් කල්, යාත්‍රා, යුගයෙන් යුගයේ, හේමන්තයේදී, පවන, සත්‍යයේ ගීතය කැසට් පට මෙයට මොනවට සාධක සපයන්නාහුය. මහැදුරු සුනිල් ආරියරත්නයන් පබැඳූ ගී වලින් සමන්විතවූ මෙ සමූහය අදටත් ඇසීමට ප්‍රිය උපදවන්නා සේම එදා ජනිතකල හැඟීම් සමුදාය නැවතත් එලෙසින්ම ඇතිකරලීමට සමත්වෙයි. එනමුදු පසුව මහැදුරු ආරියරත්නයන් ගේ රචනා විලාශය, හා ඇමිණූ පද නන්දා මාලිනියගේ හඬේ  පූර්ණ පෞරුශත්වය ඔප්නැංවීමට අපොහොසත් වූ වග මාගේ විශ්වාසයයි. මෙයට හේතුව නන්දා මාලිනියගේ ලයාන්විත හඬ, ප්‍රේමණීය හෝ සරල ගීත වලට මිස, ආණ්ඩු ආණ්ඩුමට්‍ටු කිරීමට තරම් සුදුසු මට්ටමේ නොතිබීමයි*. ඒ කෙසේවෙතත්, නන්දා මාලිනිය අකාලික තාරකාවක් කළ සුනිල් ආරියරත්නයන්ට මා ගරුකරමි. 
මින් අනතුරුව නන්දා මාලිනිය අනූව දශකයේ නැවතත් කැසට් පට කිහිපයක් සමග පැමිණෙන්නීය.   සංඛ පද්ම, සාරි පොඩිත්තක්, අඬ හැරය (සුනිල් ආරියරත්න, රෝහණ වීරසිංහ), මහගිරි අරණ වැනි කැසට් පට උදාහරණ වේ.  එකල ආරියරත්නයන් හැරුණුකොට,  ධර්මසිරි ගමගේ ශූරීන්, අරිසෙන් අහුබුදු ශූරීන්, මඩවල ඇස් රත්නායකයන්, අජන්තා රණසිංහ, කුලරත්න ආරියවංශ වැනි ප්‍රවීනයන් හා උදය මානවසිංහ, ටනුජ් අනවරත්න වැනි  අංකුර (එකල) පදරචකයන්ගේ ද නිර්මාණ වලට නන්දා හඬ මුසුවිණ. නන්දා මාලිනිය ගේ චිත්‍රපට ගී අතර, දුහුළු මලක් චිත්‍රපටයට ගැයූ රන්කෙන්දෙන් බැඳ, ආරියරත්නයන්ගේ වජිරා චිත්‍රපටයට ගැයුන "දෙනෝදාහක් නුවන් අතරේ" (කුලරත්න ආරියවංශ), වසන්ත ඔබේසේකරයන්ගේ දියමන්ති චිත්‍රපටයට ගැයූ " යොවුන් වසන්තයේ",ආරියරත්නයන්ගේ සිරිබෝ අයියා ට ගැයුණ "සිරිබෝ කවි",  මෙන්ම "එයා දැන් ලොකු ළමයෙක්" චිත්‍රපටයට ගැයූ පිනි දියෙන්, බහුබූතයෝ චිත්‍රපටයට ගැයූ "කොන්ක්‍රීට් වනන්තරේ" යනාදී ගී කැපී පෙනේ.  
අනූව දශකය අවසන් වන්නේ නන්දා මාලිනිය ටෙලි නාට්‍ය තේමා ගී ගායිකාවක් ලෙස ජනප්‍රිය වීමත් සමගයි.  අග පිපි මල් ටෙලිනාට්‍යයට ගැයූ අහස ගුගුරා, අඹු දරුවෝ ටෙලියට ගැයූ (සුනිල් එදිරිසිංහයන් සමග) "ඉපනැලිද ලඟයි", අවසඳ ටෙලියට  අමරදේවයන් සමග  ගැයූ "හිරු දැවී, සඳු ගිලී", රාහුබද්ධ මහත්මියගෙ ඉටිපහන් ටෙලියට ධම්මිකා වල්පොල සමග ගැයූ "ඉටි පහනක් දෝ මා" හා සුවඳ කැකුළු ටෙලිනාට්‍යයට ගැයූ "කැලේ පිපෙන මල්.. අපේ මිදුලෙ පිපෙන මල්" (ලක්ශ්මන් විජේසේකර සමග) උදාහරණ ලෙස දැක්වීම ප්‍රමාණවත් යැයි සිතමි.

පොඩ්ඩක් අහල බලන්න...

ඔරිජිනල් වීඩියෝ එක නැත..  :( වජිරා චිත්‍රපටය


දියමන්ති-1975-වසන්ත ඔබේසේකර


යුගයෙන් යුගයේ කැසට් පටය -1980


ප.ලි.
*මගේ මතය, මගේ බ්ලොගය! ඔබේ මතය, කොමෙන්‍ටු! ..නෑසෙන ගී පමණක් උළුප්පා දැක්වීමට සැලකිලිමත් වූයෙමි..

වැරදි ඇත්නම් නිවැරදි කරත්වා..
කට්ටිය කිව්වනේ කලින් වගේ ලියන්නේ නෑ කියලා.  ප්‍රධාන හේතුව වැඩ, හා ලොකුම හේතුව කම්මැලිකම.

Monday, August 29, 2011

කීර්ති පැස්කුවල් පොඩි ගමනක් යනවා! - නෑසෙන ගී





සිතුම් පැතුම් පොදි බැඳගෙන
අතින් කටින් තව ඩැහැගෙන
උපන්දා පටන් අපි පොඩි ගමනක් යනවා
වටින් පිටින් තව තව ගෙන
කදමළු තව පුරවාගෙන
හති  හල හල කඳු පල්ලම් දිගේ ඇදෙනවා
දෙපා වාරු නැති වෙන දින
බර උසුලනු බැරි වෙන තැන
දුක හිතුනත් සමහර දේ ඉවත දමනවා
සළුපිළි අබරණද වටින
පණ මෙන් සුරකින යහගුණ
සමහරවිට අපි නොදැනිම ඉබේ හැලෙනවා
පොඩි ගමනක් යනවා
ගමන මඟ නවතිනවා
පොඩි ගමනක් යනවා
ගමන මඟ නවතිනවා


අණවින කරනා අය දැන
බැණ  බැණ හෝ කරබාගෙන
යන අතරේ හැකිනම් කොඩිවිනද කරනවා
බැරිතැන ඉවසා කරදෙන
අතරේ අප කල දු‍ටු තැන
කරට නැගී පුළුවන් නම් කරක් ගහනවා
කැරකෙන රෝදය දුක සැප
නින්දා පැසසුම් විඳ විඳ
දිවා ‍රැයේ කඳු පල්ලම් උඩින් ඇදෙනවා
කඩ ඇණ දෙක ගැලවුණු තැන
රෝදය පට්ටම සමගින
ගැලවී දිවි තවලම පල්ලමට ඇදෙනවා
පොඩි ගමනක් යනවා
ගමන මඟ නවතිනවා
පොඩි ගමනක් යනවා
ගමන මඟ නවතිනවා



අහන්න මෙතැනින්




ගායනය-කීර්ති පැස්කුවල්
පද- උපාලි අත්තනායක
තනු-ලෝරන්ස් ප්‍රනාන්දු (හෝ පෙරේරා, මතක නැත!)





--
සින්දුව පොඩියි,  පද සරලයි, සංගීතය ඉතාම සරලයි!
පදරුත් විශිෂ්ඨයි, ගායනය මරු!

හොඳ නිර්මාණයක් නේද?


ජය..
වැම්පයර්

Saturday, August 27, 2011

ලක්ශ්මන් විජේසේකර - ඔබේ දෙකොපුළ වසා ගලනා | Lakshman Wijesekara



ලක්ශ්මන් විජේසේකර මහත්තයා කියන්නේ අනූව මුලදී සෑහෙන්න ජනප්‍රිය වුනු (ගංගා හා නිශ්ශංක ටෙලි තේමා ගීතය - සිනා පිපෙනා මේ වසන්තය- කුමාරදාස සපුතන්ත්‍රී, සමිතා මුදුන්කො‍ටුව)  අනූපහෙන් විතර පස්සෙ ආගිය අතක් නැතිවුණ... ආයෙ දෙදාහෙදි නව රිද්ම කැසට්පට ‍රැල්ල සමග ආයෙත් කැසට් එකක් කරපු.. දැන් ආයෙත් ආගිය අතක් නැති.. සෑහෙන්න හොඳ ගීත කියපු ගායකයෙක්.  මේ ගීතය නම් ඇහෙන්නෙම නැති තරම්. ඒත් මගේ හිතේ මේ ගීතයේ පද වැල ගැන තියෙන්නෙ සෑහෙන්න පැහැදීමක්. යුග ගායනා නිරෝශා විරාජිනී (එයාට නං මගේ මනාපයක් නෑ).

මේ ඇරුණම සඳ කිනිති නැමී, දුර ඈත ජීවිතේ, දැල්වූ පහන්, ඇයි තරහින් මාන්නක්කාරී, දෑත දෙපාලන ගිගිරි සරින්, ඔබ මට තරුවකි ගනඳුරු ‍රැයකදි, තිසර කැදැල්ලේ, ඇති දේ ඇති සැටියෙන්, මේ ප්‍රේම සීමා මාලකේ, සමාව ඉල්ලා හඬා වැටෙන්නද, සමන් වැලේ මල් ජයට පිපීලා (ඔරිජිනල් සීඩී ෆොන්සේකා, ශර්මිලා ෆොන්සේකා), එතෙර දිසාවක, දිව්‍යාංගානාවංට අපට වාගෙ තරහ යන්නෙ නෑ (පසු ගායනය ජිප්සීස්, සිහ ශක්ති), බාල ලමාවරුනේ වගේ අද නෑසෙන ළයාන්විත ගී ‍රැසක හිමිකරුවා, සංගීත නිර්මාණ ශිල්පියා ඔහුයි.


ඔබේ දෙකොපුළ වසා ගලනා
සීත කඳුලැල් ඔබෙයි සිතුවත්
ඔබත් නොදනී ඒ කඳුළු මාගෙයි

ඔබේ දෙ අදර පුරා නැගෙනා
සුසුදු හස‍රැලි ඔබෙයි සිතුවත්
ඔබත් නොදනී ඒ සිනා මාගෙයි

කුණා‍ටුව සේ හමා ආවා... ඔබ
අරණ අතු ඉති සිඳ දමා
ඇත්තමයි ඒ රුදුරු කඳුලැල් ඔබ තමා
වියෝගය වී වියෝ වූවා..... ඔබ
දැදුරු පෙම් සිත මට පුදා
ඇත්තමයි ඒ මිලින හස‍රැල් ඔබ තමා

විලාපය වී ගලා ආවා..... ඔබ
මටම තෙපළූ පෙම් කතා
ඇත්තමයි ඒ වියරු මිමිණුම් ඔබෙ තමා
මහෝගය සේ පතා ආවා..... ඔබ
නිමාවක් නැති සිඳු කියා
ඇත්තමයි ඒ කුරිරු මිරිඟුව ඔබ තමා

http://mp3srilanka.com/files/Lakshman_Wijesekera_Obe_Dekopula.mp3


මේක අද දෙවැනි පෝස්ට් එක.. මෙන්න පලවෙනි එක..

http://blogvampa.blogspot.com/2011/08/blog-post.html



ලක්ශ්මන් විජේසේකර මහත්තය ගුරුවරයෙක්.. වගේම සුසිල නිශ්පාදන ආයතනේ සංගීත හා ටෙලි පිටපත් අධ්‍යක්ෂකවරයෙක්

ටෙම්පර්ඩ් ඇන්ඩ් කැරමලයිස්ඩ් අනියන් විත් ස්ටීම්ඩ් රයිස් | Tempered and Caramelized Onions with steamed rice

හායී.. වෙල්කම් කියලා සැටමෝල් වෙලා ඉන්න ඔක්කොම පිළිගන්නවා මගේ කුකරි ක්ලාස් එකට. ‍ටුඩේස් රෙසිපි තමයි ටෙම්පර්ඩ් ඇන්ඩ් කැරමලයිස්ඩ් අනියන් විත් ස්ටීම්ඩ් රයිස්. මේක ගොඩක් එස්.එල්. වල රූරල් ඒරියාස් වල මේක් කරන ට්‍රැඩිශනල් ඩිශ් එකක්. වීක් එන්ඩ්ස් වල ලේට් රයිසර්ස් ලට බ්‍රන්ච් එකක් විදියට අයිඩියල්.

ඕකේ දෙන්.. වී ආ ගොයිං ‍ටු ස්ටාර්ට්...

මුලින්ම අනියන්ස් ටික සුද්ද කරලා වොශ් කරලා ස්ලයිස් කරගන්න. මේ ස්ලයිසස් තින් වෙන තරමට අවුට් එක හොඳට එනවා. නෝමලි ඉතින් ෆයිව් හන්ඩ්‍රඩ් ග්‍රෑම්ස් වගේ අනියන් ස්ලයිසස් ගන්න. මේක ටෙම්පර්ඩ් ඇන්ඩ් කැරමලයිස්ඩ් නිසා ටිකක් කාලයක් තියාගන්නත් පුළුවනි.

දැන් ලොකු වොක් එකක් බර්නර් එක උඩ තියලා ඒකට හන්ඩ්‍රඩ් ‍ටු හන්ඩ්‍රඩ් ඇන්ඩ් ‍ෆිෆ්ටි මිලිලීටර් විතර කැනෝලා, සන්ෆ්ලවර් හරි කොකනට් ඔයිල් හරි දාගන්න. ඔයිල් ස්මෝකි වෙන්න පටන් ගනිද්දිම අර ස්ලයිස් කරගනිපු අනියන්ස් ටික කෙයාෆුලි වොක් එකට දාන්න. දැන් ලෝ හීට් එකේ බර්නර් එක තියලා ග්ලාස් ටොප් එකකින් වොක් එක වහන්න. මෙතනදි අපි ඔයිල් වලින් ටෙම්පර් කරන අතරෙදිම ස්ටීම් කරන්නත් ඉඩ දෙනවා. මොකද අනියන් ස්ලයිසස් ක්‍රිස්පි නොවී ටෙන්ඩර් වෙන්න ඕන. මගදි පොඩ්ඩක් ග්ලාස් ටොප් එක උස්සලා, වොක් ශවල් එකකින් අනියන්ස් පොඩ්ඩක් පොඩි කරගන්න. පර්සනල් ප්‍රිෆරන්සස්. සමහර අය අනියන් රින්ස් වලට කැමතියි. සමහර අය චොප් කළාම කැමතියි. වට් එවර්.. දැන් අපි ස්ටීම්ඩ් රයිස් වලට එමු.

නෝමලි රයිස් සර්විං එකක් හැදෙන්නෙ හන්ඩ්‍රඩ් මිලිලීටර් කප් එකක් පුරවපු රෝ රයිස් එකකින්. සර්විංස් ගානට රෝ රයිස් ගන්න. මේ රෝ රයිස් වල තියෙනෙ මිලිං රෙසිඩියු එක රිමුව් කරන්න නම් ඇට් ලීස්ට් ටූ ‍ටු ත්‍රී ටයිම්ස් වොශ් කරන්න ඕන, අන්තිමට ක්ලියර් වෝටර් වොශ් එකක් එනකම්.

රයිස් කුකිං මෙතඩ් වලින් මොස්ට් පොපුලර් මෙතොඩ් එක තමයි අබ්සොර්ප්ශන් මෙතඩ් එක කියන්න්නෙ. මෙතනදි කරන්නෙ අපි වොශ් කරල ඩ්‍රේන් කරපු රයිස් වලට කෝල්ඩ් වෝටර් දාලා පොට් එකක තියල ලිඩ් එකෙන් වහල බොයිල් කරනවා. රයිස් ෆුල්ලි කුක් වෙද්දි වෝටෙර් ඔක්කොම ඇබ්සොර්බ් වෙන නිසයි මේකට ඇබ්සෝබ්ශන් මෙතඩ් එක කියන්නෙ. දාන වෝටර් වොලියුම් එක අනුව රයිස් අන්ඩර්කුක් ද ඕවර් කුක්ද කියන එක ඩිසයිඩ් වෙනවා. පොඩි තම්බ් රූල් එකක් තියනවා වෝටර් වොලියුම් එක ඩිසයිඩ් කරන්න. අපි රයිස් පොට් එකට දාලා ලෙවල් කරලා, වෝටර් දාන්නෙ තමන්ගේ මිඩ්ල් ‍ෆින්ගර් එකේ ෆර්ස්ට් නකල් එක ලඟට එනකම් විතර උසක්, ෆ්‍රොම් ද රයිස් සර්ෆේස්. මේක ඕනම රයිස් වොලියුම් එකකට වෝටර් දාද්දි හරියන රූල් එකක්. අන්ඩර්කුක් රයිස් වලට අපි කියනවා "ඇටකුණා" නැත්නම් "අමු" රයිස් කියලා, ඒවගේම ඕවර්කුක් ස්ටිකී රයිස් වලට කියන්නෙ "බෙරි" රයිස් කියලා. ‍ටුවෙන්ටි මිනිට්ස් වලින් ස්ටීම්ඩ් රයිස් කුක් වෙනවා මේ විදියට හැදුවම.

ආයෙත් අනියන් කරී එකට. මේ වෙද්දි බියුටිෆුල් ගෝල්ඩන් බ්‍රවුනිශ් අනියන් හැදිලා තියෙන්න ඕන මොකද අපි ලෝ හීට් එකේ බෝත් ස්ටීම් ඇන්ඩ් ටෙම්පර් කරපු නිසා.

සෙරමික් පොට් එකකට තව ඔයිල් ටිකක් දාලා ඒකට චොප් කරපු ගාලික් ක්ලෝව්ස් තුන හතරක්, ඇන්ඩ් ග්‍රවුන්ඩ් ෆ්‍රෙශ් ජින්ජර් ටී ස්පූන්ස් දෙකක් විතර දාගන්න. මේවා ටෙම්පර් වෙද්දි කරි ලීව්ස්, සිනමන්, කාඩමම් දාගන්න. බියුටිෆුල් මවුත් වෝටරිං ස්මෙල් එකක් එයි. සෝල්ට් ඇන්ඩ් පෙපර් ටේස්ට් එකට දාගන්න. පොඩ්ඩක් හොට් වෙන්න චිලී පීසස් ටිකකුත් දාන්න. ඊට පස්සෙ අර ටෙම්පර් කරපු අනියන්ස් මික්ස් කරගන්න. ඔක්කොම හොඳට මික්ස් වෙන්න ඕන. අන්තිමට ශුගර් ටේබල්ස්පූන්ස් දෙක හමාරක් විතර මික්චර් එකට උඩින් දාන්න. ශුගර් කැරමලයිස්ඩ් වෙද්දි මික්ස්චර් එක ස්ටෝව් එකෙන් අයින් කරලා හොඳට මික්ස් කරලා සෙට්ල් වෙන්න තියන්න ටෙන් මිනිට්ස් විතර. ෆයිනල් ටෙස්ට් එක බලලා සෝල්ට්, පෙපර්, ලෙමන් සෙස්ට් දාගන්න.

මේක ස්ටීම්ඩ් රයිස් එක්ක සර්ව් කරන්න. ෆුල් වෙජිටේරියන් ටේස්ටි ඩිශ් එකක්.


එස් එල් වල ට්‍රැඩිශනල් රෙසිපි එකට මෙතනින් යන්න.

ඒ රෙසිපිය සඳහා අනුග්‍රහය සී.ටී. ප්‍රනා.. නෑ සොරි සොරි.. සී.ටී. කුමාර මහතා.



ටටා.. බා......යී.............. එංජෝයි යුවර් බියුටිෆුල් මීල්..





Saturday, July 23, 2011

දුහුළු මලක්.... | Duhulu Malak



විජය ධර්ම ශ්‍රී මහත්තය කරපු "දුහුළු මලක්" චිත්‍රපටය ලාංකීය රොමැන්තික චිත්‍රපට කලාවේ මංසලකුණක් ලකුණු කළ චිත්‍රපටයක්.  හැත්තෑ හයේ තිරගතවීම ඇරඹි "දුහුළු මලක්" ධර්ම ශ්‍රී මහත්තයගේ මුල්ම අධ්‍යක්ෂණය.  ඒ වුණත් ධර්ම ශ්‍රී මහත්තය ඒ වෙනකොටත් සිංහල සිනමාවෙ සෑහෙන්න ප්‍රසිද්ධ වෙලා තිබුණෙ "හන්තානේ කතාව" චිත්‍රපටයෙන්, එහි උප අධ්‍යක්ෂ විදියට කටයුතු කරපු නිසා.  විජය කුමාරතුංග , අමරසිරි කලංසූරිය වගේ එකල අංකුර කලාකරුවන් පසුව සිනමා දැවැන්තයන් බවට පත් කිරීමට ධර්ම ශ්‍රී මහත්තය ගත්ත උත්සාහයේ ප්‍රතිඵල ගැන ඉතින් කතා කරන්න දෙයක් නෑනෙ.

බුද්ධිමත් තැන්පත් විශ්ව විද්‍යාල ආචාරයවරයකුගේ තරුණ බිරිඳක් තාරුණ්‍යයෙන් පිරුණු තරුණයෙකුගේ පහස ට ලොල්වීම හා ඒ අනුසාර සිද්ධි පෙළක් මුල්වුණ දුහුළු මලක් චිත්‍රපටයේ  ඒ සමස්ත සිද්ධියට සමාජ සම්මතයට පටහැනිව දයාබර හා මානුශීය හැඟීම් මුසුකරන්නට ධර්ම ශ්‍රී මහත්තයට පුළුවන් වුණා.  සමකාලීන "දියමන්ති" වැනි චිත්‍රපටවල උළුප්පන ජවසම්පන්න හා සොඳුරු තාරුණ්‍යය වෙනුවට වෙනස් ආකාරයේ හැඟීම් හා බැඳීම්  පෙළක් "දුහුළු මලක්" චිත්‍රපටයේ පෙළගැස්වූ තිබුණා.

චිත්‍රපටය පුරාවට සරත් දසනායක මහත්තය කරපු දේවල් විශිෂ්ඨයි.  අදටත් කිසිවෙකුත් මගෙන් සරත් දසනායක මහත්තය ගැන ඇහුවොත් මේ චිත්‍රපටය මතක් කරන්න මට අමතක වෙන්නේ නෑ.   අනිත් වැදගත් කරුණ වෙන්නේ චිත්‍රපටයේ ගීත පෙළගැස්ම, පද රචනය හා ‍තෝරාගැනුමයි.  ඔහේ සින්දුවක් දාන්න ඕනාවට සින්දුවක් දාල නැ‍ටුමක් නටවන නූතන සිනමාවට "දුහුළු මලක්" චිත්‍රපටයේ ගීත පෙළගැස්ම මනා පූර්වාදර්ශයක්. 

ඉන්ද්‍රාණි පෙරේරාගේ "සීතේ දිලී" ගීතයෙන් ඇරඹෙන අසම්මත ප්‍රේම කතාව " බොඳ මීදුම් කඳු ‍රැල්ලේ" (සුජාතා අත්තනායක, අබේවර්ධන බාලසූරිය) ගීතයෙන් උච්චත්වයට පැමිණේ.  තුන්වැනුව නන්දා මාලිනියගේ "රන්කෙන්දෙන් බැඳ අතැඟිලි එක්කල" ගීතය හා අදාළ රූප රාමු පෙළ  ජවනිකාව පරිපූර්ණත්වයට පත්කරනවා.

මීට පසු ධර්ම ශ්‍රී මහත්තයගේ මට හිතෙන විදියට හොඳම චිත්‍රපටය වුනේ "ආරාධනා".  ඊට අමතරව "ගුරු ගෙදර" චිත්‍රපටයත් සාර්ථකයි කියන්න පුළුවනි. යශෝධා විමලධර්ම ජනප්‍රියවීම ඇරඹෙන්නේ එතැනින්.

අනූහතරේ ධර්ම ශ්‍රී මහත්තයා මිය යනවිට ටෙලිනාට්‍ය කිහිපයකුත් අධ්‍යක්ෂණය කර තිබුණා.

චරිත- රවින්ද්‍ර රන්දෙනිය, ටෝනි රණසිංහ, නීටා ප්‍රනාන්දු
බොඳ මීදුම් ගී පද- ආචාර්ය අජන්තා රණසිංහ
අනෙකුත් ගී- මහාචාර්ය සුනිල් ආරියරත්න

ප.ලි.

හරි මල්ලිලා, බයිලා ඇති. මෙන්න අහන්න... වෙනස වටහාගන්න...



ජය..
වැම්පයර්

Saturday, July 9, 2011

තවත් එක් බීපු කතාවක් - Yet another alcoholic story !



ඔන්න එදත් වෙනදා වගේම වගේ බොන දවසක්.  මතකේ හැටියට එදා අපි පැවිලියන් එකේ තමයි සෙන්ටිමෙන්ටල් වුනේ. කට්ටිය ලෙසටම ගැහුවා.  අන්තිමට දන්නවනේ වෙන වැඩේ.  වැඩිය බීපු නැති උන් වගේම බයිට් කාපු උන්ට වෙන්නේ කලාබර ආසියො රුයිත හේරො වගේ දිව බඩ එහෙම එලියෙ දාගෙන ඉන්න උන්ව බෝඩිං වලට ඇරලන්න. එතකොට තමයි බයිට් කන්න සෙට්වීමේ රඟේ තේරෙන්නෙ.  මොකද ඉතින් සිහි නැතිවෙන්න ගැහුවනං ආයෙ බෝඩිමට ට්‍රාන්ස්පෝට් ශුවර්.  කොහොමද ආවෙ කියල දන්නෙත් නෑ. උදේ නැගිටින්නේ බෝඩිමේ ඇඳේ!  ඔක්කොම කරන්න වෙන්නෙ අර නොබීපු අහිංසකයොන්ට තමයි.

මමත් එදා හිටියෙ අර කාඩ් පැක් එකේ උන් වගේ තමයි.  සිහි මඳ ගතියෙන්.  ඒ කාලෙ මම හිටපු බෝඩිමට කැම්පස් එකේ ඉඳලා ටිකක් විතර දුරයි. විනාඩි විස්සක් වගේ පයින් යන දුර. ෆස්ට් ලේන් එක කිව්වම මොර‍ටුවේ හිටපු උන් දන්නවා. ෆස්ට් ලේන් එකේ කොනේ තමා මගේ ඇඳ තිබුනෙ.  රෑ දෙගොඩහරියෙ ඔච්චර දුර යන්න අමාරු නිසා එතන හිටපු එකෙක්, අපි  පණ්ඩු කියමු, පණ්ඩු  "මචං ෆස්ට් ලේන් අදින්න අමාරුයි නෙ, වරෙන් මාත් එක්ක ඩෝමෙ නිදාගන්න" කියල ඔන්න යෝජනාවක් දැම්ම. ඉතින් ඒ යෝජනාවට විරුද්ධ වෙන්න මට පුලුවන්කමක් තිබුනෙ නෑ. පුළුවන් කමක් තිබ්බත් සිහියක් තිබ්බෙ නෑ!  ඩෝම කියන්නෙ කැම්පස් එකේ ඩෝමෙට්‍රි එක. ඇඳන් දාපු ලොකු හෝල් එකක් වගේ එකක්.

දැන් ඔන්න පණ්ඩුවා මමත් පොඩ්ඩක් සපෝට් කරගෙන ඩෝමට යනවා. සපෝට් විතරයි හරී.. මම කෙලින් යනවා ලෙසට. දෙන්නත් එක්ක ඩෝමට ගිහින් පණ්ඩුවගෙ ඇඳට එබුනා විතරයි..

හත්තිලව්වයි..  මෙන්න ඒකෙ වෙන දෙන්නෙක් බුදි!

දැන් ඉතින් මොකොද කරන්නේ.. පොඩ්ඩක් පයින් ඇනලා බැලුවා නැඟිටින පාටක් නෑ.

"අනේ බං.. ෆස්ට් ලේන්ම අදිමු" ඒ යෝජනාවත් පණ්ඩුවගෙන්. 

---------------------

කැම්පස් වල ඩෝම් වල මේ තත්වය සුලබයි.  රෑට ශර්ට් එකක් අයන් කරල තිබුනොත් උදේට ඒක නෑ..මොකෙක් හරි ඒක ඇඳගෙන යනවා...:)   ඒ ගැනත් කතන්දර පසුවට...


ජය..
වැම්පයර්

Wednesday, June 22, 2011

නාමේ නොදිරනා - ඒ.එම්.යූ. රාජ්

 
නාමෙ නොදිරනා.. කුණු කය දිරනා .. අරුමෙකි සෝබා සංසාරේ...
හැත්තෑව, අසූව දශක වල අතිශයින්ම ජනප්‍රිය වුන ගීතයක මුල් පද කිහිපය තමයි ඔය.  දැනටත් අර "කැත නැතුව අහන්න" පුලුවන් ලිස්ට් එකේ තියෙන එකක් මගේ නම්.  මේ ලඟදි අපේ මාරයියා පොඩි ඉල්ලීමක් දැම්මා "මලේ.. ඒ එම් යූ රාජ් මහත්තයගෙ සින්දු ටිකකුත් දාහං" කියලා.  මම කීපයක් බස් එකේ දැම්මා.  හුදී ජනතාවගේ රසාස්වාදය තකා බ්ලොග් එකෙත් දාන්නයි කියලා බැලුවේ. කමක් නෑනෙ.
හැටේ දශකයෙ වගේ ඉඳල අනූව දශකයේ මැද වෙනකම් ලංකාවේ "බොදු බැති ගී" එහෙම නැත්නම් "බුදු ගුණ ගී"  සෑහෙන්න බිහිවුණා.  මේකෙත් පොඩි විශේෂත්වයක් තියෙනවා.  ඒ තමයි මේ බුදුගුණ ගී වැඩ්පුරම ගායනා කරපු ගායකයන් ගෙන් මුලින්ම සිටින ගායකයන් තිදෙනෙක්ම අන්‍යාගමිකයන් වීම!  දන්න කට්ටිය අත් උස්සන්න බලන්න?
පලවෙනියා නම් හරිම ලේසියි.. බෙග් මාස්ටර්... නැත්නම් අල්හාජ් මොහිදීන් බෙග් මහත්තයා.  දෙවැන්නා ඒ.එම්.යූ. රාජ් නැත්නම් උඩයප්පන් රාජා.  තුන්වැන්නා ඒ. ජේ. කරීම්. 
රාජ් මහත්තයා දෙමළ ජාතිකයෙක්.  හින්දු ආගමිකයෙක්.  නාමෙ නොදිරනා, උතුම් බුදුන් ත්‍රයිලෝනාවී බුද්ධාලෝකේ පෑවා, දේවාති දේවරාජා, ඉසිපතනේ මිගදායේ, පුෂ්ප පිපී ලක්ශණ වේ මන්ද මාරුතේ හමා, තිලොවග රාජා බව සැරි සරලා වගේ බොහොම ජනප්‍රියවුන ගීත ‍රැසක හිමිකරුවා මෙතුමායි.  ජීවිතයේ අවසාන කාලයේ සිහි විකල්වීමකට ලක්වූ රාජ් මහතා මිය ගියේ බොහොම අසරණ විදියට. මේ කලාකරුවාගේ ගීත වලට අයිතිකරුවෙක් නැහැ.   රිමික්ස්, බයිලා නන්ස්ටොප් වලට මේ ගී පදවැල් බොහෝ විට භාවිතා වෙනවා දකින්න පුළුවනි (නාමෙ නොදිරනා, පුෂ්ප පිපී, ගුණ දහම හොඳ නරක කණපිටට පෙරළුනා  ගීත උදාහරණ). 

ගීත අහනකොට හිතෙන්න පුලුවනි, මේ මනුස්සය සින්දු කියනවද එහෙම නැත්නං කෑගහනවද කියලා. ඒකට හේතුවක් තියනවා, මොකද රාජ් මහත්තය මුලින් නූර්ති ගායකයෙක් (නූර්ති වල මයික් නෑ), ඒ විදියට තමයි ඉතින් දිගටම ගිහින් තියෙන්නෙ. පසුව ග්‍රැමෆෝන් යුගයේ එච්.එම්.වී. තැටි කිහිපයකට ගීත ගායනා කලා. පහලින් තියෙන්නේ අසූව දශකයේ මුල පටිගත කළ ගී කිහිපයක්. කැමති නම් බාගෙන අහල බලන්න. මේ ගීත ඔබේ පුද්ගලික ප්‍රයෝජනයට පමණක්, කිසිදු වෙනස් කිරීමකින් තොරව බාවිතා කරන්න කියලා පොඩි ඉල්ලීමකුත් කරන්න කැමතියි.



http://dl.dropbox.com/u/9040688/AMU_RAJ/NameNodirana.wma
http://dl.dropbox.com/u/9040688/AMU_RAJ/Guna_Dahama.wma

http://dl.dropbox.com/u/9040688/AMU_RAJ/loka_naatha_mage.wma

http://dl.dropbox.com/u/9040688/AMU_RAJ/namami_siripaa.wma
http://dl.dropbox.com/u/9040688/AMU_RAJ/Pushpa_pipi.wma
http://dl.dropbox.com/u/9040688/AMU_RAJ/uthum_budun.wma

Wednesday, June 8, 2011

මගේ නංගී... රචනාවක්..




මගේ නංගී ගේ නම නංගීය. ඇය මට වඩා බාලය. නංගී ස්ත්‍රියකි.  ඇය බැරිවෙලාවත් පුරුෂයෙක් වූවා නම් ඇගේ නම මල්ලී ලෙස වෙනස්වේ.  නංගී මට වඩා බාල වුවද අම්මාට වඩා වැඩිමල්හුය.  ඒ නිසා ආච්චි නංගීට කියන්නේ හැට අම්මා කියාය.  නංගීගේ කාමරය මගේ කාමරයට වඩා බෙහෙවින් පිළිවෙළය. හැබැයි ගඳය.  තාත්තා කියන පරිදි ඇය අපේ නිවසට පහනකි. අපේ නිවසේ පහන හැමදාම ගිනිගනී.  ඒ නිසා තාත්තාගේ උපමාවද වරදක් නැත.

තාත්තාගේ පඩියෙන් භාගයක් වියදම් කරන්නේ නංගීටය.  ඇගේ හිසට ෂැම්පුද හිස්කබලට තෙල්ද අතේ හා පයේ ඇඟිලි විස්සට පාට විස්සක කිවුටෙක්ස් ද ඇත.  ඇයට ඇඟිලි විස්සක් තිබුනේ හොඳ වෙලාවටය.  බැරිවෙලාවත් ඇයට හැක‍රැල්ලෙකුගේ මෙන් කකුල් තිබුණානම් තාත්තට යන්න වෙන්නේ හොම්බෙන්ය. නංගීගේ මූණට එක ක්‍රීම් වර්ගයකි. බෙල්ලට තව එකකි.  අතට කකුලට බඩට පිටට ආදී සකලවිධ සර්වාංගයේ සියළු අවයව සඳහා ඇයට ක්‍රීම් වර්ග ඇත.  දිනක් මුහුනේ උලනා ක්‍රීම් වර්ගයක් මට බැරිවී යෝගට් කියා කැවුනාය. මේ තවමත් දුවන්නේ ඒ බඩේ අමාරුවය.  නංගීට එක එක තැනට එක එක ක්‍රීම් වර්ග තිබුනාට මට ඇත්තේ එක ක්‍රීම් වර්ගයකි.  ඒ ශේවින් ක්‍රීම්ය.  මම හිසේ සිට දෙපතුල දක්වා එය උලාගෙන අහවර වූ පසු නංගීගේ බේබි ක්‍රීම් ගා ‍රැවුල කපාගන්නෙමු.

නංගීගේ බේබි ක්‍රීම් එක පසුපසද මාර කතාවක් තිබේ. බේබි ක්‍රීම් ගාන්නේ බේබිලාය. පුත්තලම් බූරුවන් හත් අට දෙනෙකුගේ වයස ඇති නංගී බේබියෙකු වූයේ කෙසේදැයි මම දහ අතේ කල්පනා කලාහුය.  අද කාලේ බේබිලා කොච්චර ලොකුදැයි මට අවසානයේ කල්පනාවී සිහිමුර්ජාවක්ද ඇතිවිය. 

අපි කැරට් කෑවාට නංගී කැරට් බොයි. මුං ඇට මුහුණේ ගායි.  මී කිරි, දෙහි, අලිගැටපේර යනාදී ඕනෑම උලව්වක් ඇය මුහුණේ උලයි.  කිටියා වඩාත්ම කැමති අගේ මුහුණේ යෝගට් හෝ මීකිරි ගානවාටය. එදාට ඇගේ මුහුණ සෝදන්නේ කිටියාය. එසේ වුවද තාත්තා ස්ටේශන් මාස්ටර් කෙනෙකු සේ හිඳ දුක් මහන්සියෙන් හරි හම්බකරගෙන එන හැම හත්තිලව්වම නංගී මුහුණේ ගායි.

දිනක් අම්මා පිපිඤ්ඤා සලාද හැදුවාය. නමුත් එහි පිපිඤ්ඤා තිබුනේ නැත. " කෝ අම්මෙ පිපිඤ්ඤා?" "නංගිගෙන් ඉල්ලගන්න" කාරණාව තේරුනේ එවිටය.  බත් එක බෙදාගෙන දෙහි, රතුළූනු, අමුමිරිස්, උම්බලකඩ ඇති මිශ්‍රණයෙන් ටිකක් දමාගෙන නංගීගේ මුහුණේ සහ ඇස් උඩ ඇති පිපිඤ්ඤා පෙති දෙකක් පිඟානට දමාගත යුතුය. අපි එදා කබ සහ කුරුලෑ සාරු සමග පිපිඤ්ඤා කෑවෝය.

නංගී දිනපතා සැලුනයට යයි. කලාතුරකින් පාසල් යයි.  සැලුනයට ගොස් මුහුණ ස්ට්‍රේට් කරයි.  අතේ පයේ මයිල් ස්මයිල් වනතුරු ෆර්ම් කරයි.  කොණ්ඩය බ්ලීච් කරයි. තොල් රිකන්ඩිශන් කරයි.  නංගිගේ මුහුණේ වලවල් නැත. ඇත්තේ ගොඩැලිය.  සැලුනයේ අක්කා නංගිගේ මුහුණට පොටි දමයි. අනතුරුව හැටේ වැලි කඩදාසියෙන් කපා එකසිය විස්සේ වැලි කඩදාසියෙන් ඔප දමයි.


නංගීව කසාද බැන්දවීමට අවශ්‍ය දිනෙක පුවත්පත් වල පලකිරීමට අවශ්‍ය මංගල දැන්වීම මම දැන්මම ලියා ලැමිනේට් කරගෙන සිටිමි.

"රූමත් ගුණවත් නූගත් දියණියට සුකුරුත්තන් ඉවසිය හැකි ගොබ්බ, මෝඩ, බයාදු, විලිබියකින් තොර කෝටිපති ව්‍යාපාරික පුතෙකු අසරණවූ මව්පියන් සොයයි. වැන්දඹු වූවාට කම්නැත.  විහිළුවට නොලියන්න. මෙය ජීවිතය සම්බන්ධ බරපතල ගැටළුවකි, මීට අයියා...."


කතෘ නොදනිමි- උපුටා ගැනුමකි.


Image URL
http://t1.gstatic.com/images?q=tbn:ANd9GcTTQ3brHQRwRLuvTob-PG3USJ8shnw0yn2DX88-xQoVV9XccL8Z

Thursday, May 26, 2011

අවුරුද්දයි- එකසිය විස්සයි- එක්දාස් තුන්සීයයි-හැටතුන්දාහයි

ටිකක් හිනාවෙන්න බ්ලොග් එක ලියන අභීත අයියා මතක් කළානේ ඔන්න මගේ බ්ලොග් එකට අවුරුද්දක් පිරිලා කියලා.  හැබෑව නේන්නං.  මේ කාලෙ පුරාවට මේක බලපු, කොමෙන්ට් කරපු, හොඳ නරක කියලා දීපු සැමටම ස්තුතියි.  හරි එහෙනං.. ආයෙත් දිගටම මොන මොනවාහරි කුරු‍ටු ගාන්නයි හිතාන ඉන්නෙ.

අවුරුද්දක්, පෝස්ට් එකසිය විස්සක්, කොමෙන්ට්ස් එකදාස් තුන්සීයක්, හිට්ස් හැටතුන්දාහක්.. රවුං ගණන් වලට සෙට් වෙලා තියෙන්නෙ.

නෑසෙන ගී රස... ගුණදාස කපුගේ....





සෑහෙන කාලෙකට කලින් ඩ්‍රාෆ්ට් වෙලා තිබුණ පෝස්ට් කෑලි කීපෙක තිබ්බ සින්දු ටිකක් අමුනලා එක පෝස්ට් එකක් හැදුවා. වැඩ වැඩි කමටත් වඩා කම්මැලිකම ද මන්දා.. ආයෙත් පොඩ්ඩක් වැඩිපුර මේ පැත්තෙ ගැවසෙන්නයි කල්පනාව..

කපුගේ ගෙ සින්දු කිව්වම වැඩි දෙනෙක් අහල තියෙන්නෙ අර සන්ෆ්ලවර් කැසට් තුනේ තිබුණ සින්දු පණහකට ආසන්න ප්‍රමාණෙ වෙන්න ඕනෙ. සාමාන්‍යයෙන් නෑසෙන කපුගේ ගීත ටිකක් පහලින් තියෙනවා, අහල බලන්න. වෙනස වටහාගන්න. අන් අයටත් ඇසෙන්න සලස්වන්න :)


පුර හඳට පේන්නට පන්සලේ
හේවිසි වැයූ මාමණ්ඩියේ
තක දොමිත සුරල් පද කෝ නුඹේ
නුඹ එක්ක නිදිද මාමණ්ඩියේ

ගොක් ‍රැහැන් වේලුණු මංසලේ
නුඹ ඉන්නවා වාගේ පෙනේ
පැන් වඩන මළ දොළ ගොම්මනේ
හේවිසි නැතිව වැලපෙනු ඇසේ

තුන් යම් දුරේ වෙහෙසෙනු නුඹේ
මළ ගම් නොආ කවුරුද ගමේ
හේවිසිය විතරක් නොවැයුනේ
ඇයි නුඹ නමින් මාමණ්ඩියේ



ගමේ එන්නට හිතෙන්නෑ මට නගේ උඹ හින්දා
ලියුම් කරදහි කොතෙක් ලිව්වත් මෙහෙම මං ඉන්නා
මෙහෙම මං ඉන්නා

වසර ගණනක් පෙරුම් පුරලත් එක හිතක් නැත්නම්
මගේ කඳුලට වේදනා මං තනිව විඳගන්නම්
තනිව විඳගන්නම්

හිතේ ඇතිවුණ ආදරේ ගැන උඹට ඇයි රිදවුම්
නුඹේ සෙනෙහස අහක ගියදෙන් තනිව මං ඉන්නම්
තනිව මං ඉන්නම්



කවමදාවත් නොඑන ගමනක් ගියාදෝ වැහි ලිහිණියෝ
ලිහිණියෝ ලිහිණියෝ
ලිහිණියෝ නාඹර වියේ
ත‍ටු සැළූ කළු ආකහේ
කවමදාවත් නොඑන ගමනක් ගියාදෝ වැහි ලිහිණියෝ

සාගරේ මධු ගීතිකා නොව
නුඹ මුවග ‍රැඳුනේ
දියට හැඬුදා පවස වෙනුවට
නුඹෙ කෙළද සිඳුනේ

සුළං කෝඩය කපාගෙන නුඹ
පියාඹන වේලේ
හඹා ගිනි බිඳ හෙළා හිරිහැර
කළාදෝ නොදැනේ


තල් වැට අයිනේ කඳවුරු දොර‍ටුව
ගිනියම් අව්වේ බියකරු නිහඬ ‍රැයේ
දෑස් අයාගෙන නොසැලී ඉන්නෙමි
වැලි මලු විනිවිද එන මරණය හමුවේ

වැලපෙන මුහුදයි ඈතින් දිස්වන්නේ
වැලි මුසු සුළඟයි සියොළඟ දැවටෙන්නේ
හිනා පොදක් කෙළි කවට බසක් නැති
හෙවනැල්ලයි මගෙ තනියට ළඟ ඉන්නේ

වෙඩි පුපුරණ හඬ් ඈතින් ඇසෙන පැයේ
හිත ඉගිලී ගොස් ඔබ ළඟ ‍රැඳී තියේ
දෙතැනක අනියත සිතින් සිටින අප
සුළඟට හෙළනා සුසුමෙනි ළංවන්නේ





ගුණදාස කපුගේ...

ජය..
වැම්පයර්

Saturday, May 21, 2011

අරුමේ කිම වඳවෙන සඳ සදිසි මිනිස්සු...?

උපුටාගැනුම- අභීත සහෝදරයාගේ බ්ලොගයෙනි..


දිළුම්, අද උදේ උඹගේ මල්ලි ශාන් කෝල් කරලා මහ කාළකණ්ණි ආරංචියක් කිව්වා.. ඒ අපිත් එක්ක අපේම එකෙක් වෙලා හිටපු උඹ අපෙන් සමු අරන් ආයේ නො එන්නම ගියා කියන එක.. උඹ සිහිය නැතුව ඉස්පිරිතාලේ ඉද්දි අපි හැමෝම උඹට ජීවිතය යැද්දා.... උඹේ කණ පිළිබඳ රෝගය අපිට අපේම රෝගයක් බවට පත් වුනා... ඒත් දැන් හැමදෙයක්ම වෙලා ඉවරයි... උඹේ කවි, නිර්මාණ අපිට ආයේ දකින්න නැතිවෙයි.. මුණ ගැහෙන හැම වෙලාවෙම අපිව හිනස්සවන්න උඹ ආයෙත් අපි ලඟට එන්නෙ නැතිවෙයි.... ඒත් දිළුම්, උඹේ සුවඳ ජීවිතය පවතිනතාක් කල් අපිත් එක්ක රැඳේවි.. ඒ සුවඳ තවත් වැඩි කරන්නට අපි ඉදිරියේදී කටයුතු කරාවි....


මගේ බ්ලොග් එකේ කෙටිම පෝස්ට් එක මෙය වේවි... මට උඹට කියන්න මහ ලොකු දේවල් නෑ මචන්, උඹට නිවන් සුව මම මුළු හඳින්ම ප්‍රාර්ථනා කරනවා... කලින් පෝස්ට් එකකත් කියූ පරිදි අදටත් මට නොවිසදෙන එකම ගැටළුව මෙයයි.....



අරුමේ කිම වඳවෙන සඳ සදිසි මිනිස්සු...?


http://tikakhinawenna.blogspot.com/2011/05/blog-post_18.html

Thursday, March 31, 2011

මාතෘකාව බර්බන්.. වර්ගය මත්පැන් .. ප්‍රවර්ගය විස්කි .. සම්භවය ඇමරිකන්! | Bourbon – An American Whiskey

image

 

ශුහ්.. බ්ලොග් එකක් තියෙද කියලත් අමතක වෙලා ගිය හැටි. එහෙමම නෙවයි ඉතින්.. වැඩ කියන්නෙ ඉහටත් උඩින්. හැමදාම නිදියන්නෙ පහුවදා පාන්දර. මේකත් මේ අර මම වයින් ගැන, ඇබ්සින්ත් ගැන ලියපු කාලෙ ඩ්‍රාෆ්ට් කරල තිබ්බ එකක්. පොඩ්ඩක් හදල කරල දානවා. මේක දාන්න මතක් වෙච්ච  හා හේතු පාදක වෙච්ච කරුණු කාරණා දෙකක් තියෙනෙවා. දෙකම මගේ ලෝකයෙ රංග ලොක්කා තමයි. බුවා කලකට පෙර බර්බන් කතාවක් ලියල මේ දැන් වගේ බියර් ගැනත් ලිව්වනේ.  පොරගෙ බර්බන් කතාව බැලුවම තමයි මට මතක් වුනේ අඩේ .. මමත් බර්බන් ගැන පෝස්ට් එකක් ඩ්‍රාෆ්ට් කළා නේද කියලා.

හරි කතා ඇති. වැඩේට බහිමුකො.

මාතෘකාව බර්බන්.. වර්ගය මත්පැන් .. ප්‍රවර්ගය  විස්කි .. සම්භවය  ඇමරිකන්!

ඔන්න වැඩේ.. මේ බර්බන් කියල කියන්නෙ ඇමරිකන් විස්කි එකක්. දැන් බලයි ඇයි ඇමරිකන් විස්කි කියන්නෙ ලොකු එකද කියල. විස්කි කිව්වම ඉතින් එලෝකෝටියක් ජාති තියෙනව. බලමුකො මතක් කරල

1. ස්කොච් (ස්කොට්ලන්තය - ප්‍රසිද්ධ වර්ග ටීචර්ස්, ආඩ්මෝර්, බැලන්ටයින්ස්, බ්ලැක් ඇන්ඩ් වයිට්, ඩිම්පල්, ජොනී වෝකර්, චිවාස් රීගල්, ග්‍රාන්ට්ස්, වැට් 69, ලෝන්ග්මෝන්, බ්‍රැක්ලා, රෝයල් සැලියුට්ස්...) වගේ ඒවා .. ස්කොච් විස්කි බොහොමයක් වසර තුනක් හෝ ඊට වඩා පැරණියි.  සාමාන්‍යයෙන් බෝතලයක වසර ගණන සඳහන් වෙනවා නෙ.

2. ජර්මන් විස්කි - මේවා නං ලංකාවෙ කට්ටිය දැකලම නැති තරම්. රාබෙල්, ස්ලයර්ස් වගේ නම් මතක් වෙනවා

3. ඉංග්ලිශ් විස්කි - එංගලන්තෙ හදපුවා. සුද්දගෙ කාලෙ තිව්නෙ මේව වෙන්නැති. දන්න එකක් තියෙනවා.. ඒකෙ නමත් ඉන්ග්ලිශ් විස්කි තමා

4. අයිරිශ් විස්කි.... අයර්ලන්තෙ බඩු ..! ජේම්සන්, ත්‍රී ක්‍රව්න්ස් වගේ එව්ව අයර්ලන්තෙ තමා හදන්නෙ. ග්‍රීන් ස්පොට් එකත් එහේ මයෙ හිතේ. ඔව් එහේ තමා..!

ආයෙ කතාවට එමු.  බෝතලේ බර්බන් කියල ගහල තියෙනවා නම් අනිවාර්යයෙන් ඒක නිශ්පාදනය කරල තියෙන්නේ ඇමරිකාවෙ විය යුතුමයි.  අනික් එක තමයි බර්බන් හදන්නෙ ඉරිඟු වලින්. සාමාන්‍යයෙන් බර්බන් වල ගොඩක් විස්කි වල තියෙන සැර සුවඳ(ගඳ?) වෙනුවට ටිකක් අමුතු සුවඳක් තියෙන්නෙ. මේකට හේතුව තමයි බර්බන් පදම් කරන විදිය (කියලයි මම අහල තියෙන්නෙ). බර්බන් පදම් කරන්නෙ අඟුරු වෙනකන් පුච්චපු ඕක් බැරල් වල.

බර්බන් ගැන කියද්දි තව දෙයක් තියෙනවා කියන්න. ඒ තමයි බර්බන් හදන්නෙ ඇමරිකාවෙත් එක ඒරියා එකක විතරයි. අර පුච්චපු මස් විකුණන සීයගෙ ගම! කෙන්ටකි!

අනිත් තැන් වල හදන බර්බන් වලට කියන්නෙ "නන් කෙන්ටකි බර්බන්" කියල. බර්බන් ගැන කිව්වම කට්ටිය අහයි නෙ දැන් මොනවද ඔය බර්බන් නං කියලා..

ප්‍රසිද්ධ එව්ව තමයි මේ..

ජිම් බීම්

image

වුඩ්ෆෝඩ්

 

image වුඩ්ස්ටොක්

image

ඕල්ඩ් චාටර්

 

සමහරු ජැක් ඩැනියෙල් බර්බන් එකක් විදියට හඳුන්වනවා. ඒත් ඒක වැරදියි මම දන්න විදියටනං. ඇමරිකන් හැම එකම බර්බන් නෙවයි!

මේක ගැන කතා කරද්දි තව ටිකක් මතක් වුණා කියන්න.. දැං කම්මැලියි.. මට අමතක වෙනවට මම මෙතනම ලියල යනවා..කවුරුහරි දන්න කෙනෙක් ඉන්නවනං පෝස්ට් එකක් දැම්මට කමකුත් නෑ..

ප්‍රධාන විස්කි වර්ග.. හා ඒවායේ ලක්ෂණ
1.සින්ගල් ග්‍රේන්
2. සින්ගල් මෝල්ට්
3.බ්ලෙන්ඩඩ්
4. පියෝ පොට්

චියර්ස්...!

Tuesday, February 22, 2011

ලංකාවෙන් ලොවට හඳුන්වාදෙන කොම්පියුටර් මියුසික් | Computer Generated Music - 100% Sri Lankan Concept !

 

පරිගණකය අද මිනිස් ජීවිතයට කෙතරම් සමීපද කියලා අමුතුවෙන් කියන්න ඕන නැහැනෙ. ඒ අපේ එදිනෙදා ක්‍රියාකාරකම් වලට පරිගණකයෙන් ලැබෙන සහයෝගය නිසා වෙන්න ඕන. පත්තරයක් බලන්න, ටෙලි නාට්‍යයක් චිත්‍රපටයක් බලන්න, යාළුවෙක් එක්ක පොඩි චැටක් දාන්න.. ඒ විතරක් නෙවයි බාර් එකක පෝලිමේ ඉන්නෙ නැතුව ඩ්‍රින්ක් එකක් කාරිය ඕඩර් කරන්න වගේ හැම දෙයක්ම දැන් ඉතින් මේකෙන් කරන්න පුළුවන්නේ. මෙහෙම වැඩ සිද්දවෙන අතරෙ සංගීතෙටත් ආව නේ මේක. පරණ ගීත සංරක්ශණය කරන්න, නැවත ප්‍රති නිර්මාණය කරන්න වගේම අර ඉෆෙක්ට්ස් කියන කෑලි බෑලි දාන්නත් කොම්පියුටරේ සෑහෙන්න ප්‍රයෝජනයි නෙව. කොම්පියුටරේ පිහිටෙන් ම තරු වෙච්ච අය කීදෙනෙක් නං ඇත්ද?

කොහොමින් කොහොමහරි කතන්දරේ මේකයි. මේ කොම්පියුටර් ජෙනරේටඩ් මියුසික් ගැන පොඩි කතාවක්.  කතාවක් කිව්වට පොඩි වීඩියෝ එකක්. මම අන්තරේ කරක් ගහද්දි හම්බුණේ. මට හිතෙන විදියට නං  මේ කොම්පියුටර් ජෙනරේටඩ් මියුසික් වැඩේ 100% ලංකාවෙ නිර්මාණයක් වෙන්න ඕනෙ. ඔය කජු කොල්ලො කළා වගේ නෙවෙයි හැබැයි. මේක නං සිරා වැඩක්. රිමික්ස් කරලා තියෙන්නෙ සී.ටී. ප්‍රනාන්දු මහත්තයගෙ කිමද සුමිහිරියේ මෙ අරුමේ කියන සින්දුව. දන්නවනේ කට්ටිය. මේ රිමික්ස් එකේ තියෙන අනිත් විශේෂත්වෙ තමයි, කොම්පියුටර් එකක් හා ගිටාරයක් පමණක් උපයෝගී කරගනිමින් පමණක් මුළු ගීතයම සංගීතවත් කර තිබීම. ඒකත් ලේසි වැඩක් නෙවයි නෙව. සින්දුව ලිව්වෙ කරුණාරත්න අබේසේකර මහත්තය. සංගීතවත්කලේ සී.ටී. ප්‍රනාන්දු මහත්තය. මේ ළඟදි එවර්ග්‍රීන් හිට්ස් කියල සීටී මහත්තයගෙ පරණ සින්දු ටිකක් එළි දැක්වූවා. සීඩී දෙකක් තියෙනවා. හොයාගෙන අහල බලන්න.

තව පොඩ්ඩෙන් අපේ කොම්පියුටර් රීමික්ස් සින්දුව අමුණන්න අමතක වෙනවා.


මේ තාලෙම වීඩියෝ එකක් කලිනුත් දුන්න වගේ මතකයක් තියෙනවා...ම්ම්.. ආ මේ තියෙන්නෙ.. 

නිහාල්, ඇන්ටන් ජෝන්ස්, දමිත් අසංක, අමරදේව මාස්ටර් එකම වේදිකාවක !

 


Wednesday, February 2, 2011

සිත් ගත් ගී - පාළු අඳුරු නිල් අහස මමයි | Paalu Anduru Nil Ahasa

imageකිසිදා හිමි නොවන, කිසිදා හමු නොවන ආදරයක් ගැන හැඟවෙන අපූරු ගීයක්, වෙනස් විදියක ගීතයක් දැන් වාදනය වෙමින් තියෙනව. කාගෙ කාගෙත් ඉතින් දැනගැනීම උදෙසා ඕං මම කට්ටියටම  කතන්දරේ කියන්නයි යන්නෙ. හරියට මේ සින්දුව අහල තියෙන කට්ටිය මේක බලල "මූ අපේ කාලෙ කෑවා" කියන්න ලෑස්ති වෙන්නපා හරිය.
කතාව කියන්න කලින් සින්දුව අහල ඉන්නකො

පාළු අඳුරු නිල් අහස මමයි
ඈත දිලෙන තනි තරුව ඇයයි
යුගයෙන් යුගයට හදවත් ඉල්වන
බලාපොරොත්තුව පැතුම ඇයයි//

අසාර වූ මහ පොළොව මමයි
ගලා බසින දිය දහර ඇයයි
යුගයෙන් යුගයට හදවත් නළවන
සදාකාලික වූ සැපත ඇයයි

කැලෑව මැද කටු පැදුර මමයි
පිපී වැනෙන මල් පොකුර ඇයයි
යුගයෙන් යුගයට හදවත් පුරවන
අඳුරු වේදනා කැටිය ඇයයි

ඈත දිලෙන තනි තරුවක් කිසිදු පුද්ගලයෙකුට  විශේෂ වස්තුවක් නෙවයි.  ඈත දිලෙන තනි තරුවක ආලෝකයෙන් කිසිවෙකුට කිසිදු යහපතක් ද සිදු නොවෙයි. නමුත්.. අහස පාළු වී අඳුරු වී ගිය විට ඒ ඈත දිලෙන තනි තරුවට අහසේ නිතැතින්ම විශේෂ ස්ථානයක් හිමිවෙනවා. පාළු අඳුරු නිල් අහස මම නම් සහ එනම් පමණක් (if and only if) ඒ තනි තරුව වන ඇයට විශේෂ තැනක් තියෙනවා. තේරෙනව නේද වැඩේ හැටි! මේ ගීතය පුරාවටම තියෙන උපමා ඔන්න ඔය මූලධර්මය පදනම් කරගෙනයි යොදාගෙන තියෙන්නෙ. ගලා බසින දිය දහරක් වැදගත් වෙන්නෙ පොළව අසාර වී තිබෙන විට පමණයි. සරුසාර පොළවකට කුඩා දිය දහරකින් ඇති වැඩක් නැති බව කියන්න දෙයක් නෙවයි නෙ.

ඔන්න එහෙනං අද ඉඳං මේ සින්දුව අහද්දි පොඩ්ඩක් රචකයා කියන්න උත්සාහ කරපු දේ ගැන හිතලා බලන්න. මට මේක ඔලුවට ආපු සැරේ හිතුනෙ මෙච්චරයි...

"යකෝ....මහගම සේකර කියන්නෙ පට්ට බුලට් එකක් නෙ ..! "

පද රචනය - මහගම සේකර
තනු හා හඬ- පණ්ඩිත් අමරදේව

Friday, January 28, 2011

බස් කවි

image

අපේ ගූගල් බස් සංගමයේ නිර්මාතෲ වන ගරු බස්පි වැප්නි සාන්ත මහත්තය බස් සතියක් ප්‍රකාසයට පත්කරල. බස් කතන්දර දාන්න කියල කියල තියෙන්නෙ. මාරයිය එහෙන් බස් පළු කතා සීරිස් එකක් ඇද බානව. මේ අව් අස්සෙ මට මතක් වුණා බස් වල යන හැමෝම වගේ දන්න චරිතයක්. බස් කවියෙක්. විල්බට් අඹතලාව! අහල නැත්ද මන්ද? නැති වෙන්න අමාරුයි. ඔය බස් වල ගහල තියන කවි වලින් සීයට හැට හැත්තෑවක වගේ පොරගෙ නම නෙ තියෙන්නෙ. නම නැති කවිත් තියනව. මතකත් නෑ හරියට. අන්තිමට ලංකාවෙ ප්‍රයිවට් බස් එකක ගියේ අවුරුද්දකට වගේ කලින් නෙව. කට්ටියට මතක ඒව තියෙනවනං දාල යන්නකො කොමෙන්ට්  විදියට.

පටාන්ගන්න.. බස් කවි...

අපහට සිදුවේය ලොකු ලොකු දඩ කන්න
සෙසු හැම දෙනා හට සිදුවෙයි තෙරපෙන්න
ඔබගේ පොකැට්‍ටුව ඉඩ ඇත නැතිවන්න
පා පුවරුවෙ නොසිට කරුණාකර ඇතුලට යන්න

මේක අන්තිම පදේ කියවන හැම වෙලාවකම මට හිනායනවනේ. මාත්‍රා පොඩ්ඩක් වැඩියි වගේ නේද?

ඉබ්බා ගහන පොලිස් මාමලා ගැන කියැවෙන මේ කවිය බලන්න

හැඳුනුම් කමට නිළයට ඇති බලය පිට
බස්වල පිනට යන්නෝ ඇත විටින් විට
දැන් අදකාලෙ විය හියදම බලන විට
බස් හිමි ගෙනුත් අයකළයුතු වනව හෙට

මේකත් මතක් කරගත්ත අමාරුවෙන්

ජීවිත රකියි රියදුරු ගිනි ගොඩක හිඳ
මුදලත් මගියොනුත් සමඟින් තරඟ වැද
දහදුක් විඳියි කොන්දොස්තර රථය මැද
සුලු වරදකට දොස් පැවරුම වටිනවද

මේකත්

දොස් මිස හොඳක් නැති මේ බස් රස්සාව
දුප්පත් නිසා කරනෙමු ගෙන පිරියාව
හැකි හැම විටම පෙන්වමු මුව සිරියාව
එය වෙයි දිරිය වැඩිවන්නට හැකියාව

තව ඔය වගේ අටෝරාසියක් තියෙනවනේ හැබෑට.  මතක ඇත්නං පහලින් කොටාල යනවා හොඳයි.

අපි කැපුණා..

සිත් ගත් ගී - මොහොමඩ් රා‍ෆි - Aaj Aur Kal (1963)

ෆුහ් ෆුහ්.. මකුළු දැළුත් බැඳළ මගේ බ්ලොග් එකේ හැබෑට . මේ දවස් ටිකේම හරිහමං වෙලාවක් කලාවක් හම්බුනේ නෑ නෙ.  අදත් ඉතින් පොඩි සින්දුවක් කාරිය දීල ශේප් වෙන්නයි හදන්නෙ හරිය.

ආජ්  ඕර් කල් කියන්නෙ එකදාස් නවසිය හැට තුනේ ඉන්දියාවෙ හොඳටම හිට් වෙච්ච (හිටේ හිට්) ‍ෆිල්ම් එකක්. නන්දා , සුනිල් දත් ප්‍රධාන චරිත රඟපාපු මේකෙ සංගීතෙ රවි මහත්තයගෙන්. මේ සින්දුවෙ සිංහල එක නං ඉතින් කට්ටිය අහල නැතිවෙන්න බෑ. ජෝතිපාල මහත්තයගෙ කඳුලැල් සලා දෙනෙත් පියවිලි නෑවිලා ඔබේ.. ගීතයේ මුල් හින්දි ගීතය තමයි මේක. සබ්ටයිටල් එක්කම තියන නිසා ඉතින් තේරයි ලාවට. ඉන්ගිරිස් නෙ. කලින් දීපු ටවර් හවුස් ‍ෆිල්ම් එක වගේ මේක නං මම බලල නෑ. ඉතින් පොඩි ප්ලොට් කෑල්ලක් ලියාගන්න අමාරුයි.  කතා මොකටද අහලම බලන්නකො.

Film : Aaj Aur Kal (1963)
Singer : Mohd. Rafi
Acting : Sunil Dutt , Nanda
Music : Ravi



~~නිහඩ ලොව බිදින්න~~

උපුටාගැනුම - ඉලන්දාරියා - මනුස්සකම නාමයෙන් ඔහුට හැකි පමණින් උපකාරයක් කිරීම ඔබගේ යුතුකමයි..!


මිනිස් ජිවිතය හරිම පුදුමාකාරය, විටක සතුට දොරේ ගලා යයි, විටක දුක් කරදර නිමක් නෑතිව පෑමිනෙයි.මගේ ජිවිතයෙත් මම සතුටින් කාලය ගතකල කාලයක් තිබුනා. හරිම සෑහෑල්ලුවෙන් මම ජීවිතය විදිමින් හිටියා. ඒත් කාලයා මගේ සතුට උදුරාගෙන එවෙනුවට කදුළුවල ඝනකම මට තිලිණ කලා. අද මම මේ ලියන හෑමදේම මට සටහන් කරන්නට තිබුනේ මීට හුග කලකට කලින්. මම මේ ගෑන සටහන තබන්නට සිතු සෑම මොහොතකම එය වෑලකී ගියා.
 එත් අද මේ සියල්ල පවසා ඔබේන් උපකාරයක් බලාපොරොත්තු වන තරමටම කාලයේ අදෘශ්යමාන හස්තයට මම නතුවෙලා.
 යමක් කමක් තේරෙන කාලයක ඉදලා මගේ තිබුන හිනය උනේ රුපවහිනි සංස්කාරක වරයෙක් වෙන්න. මම හෙමින් හෙමින් විවිද කඩයිම් පසුකරමින් ජිවිතේ ඉදිරියට ගෙවාදමමින් සිටියා. අතර තුරදී මට ලංකාවෙ ප්රසිද්ද රෑපවාහීනි වැඩසටහන්  ආයතනයකින් මගේ සිහින රැකියාවට කැදවීමක් ලැබුණා... මම ඉතාමත් ආශාවෙන් රෑකියවෙ නිරතවෙමින් තවදුරටත් රුපවාහිනී මාධ් පිලිබදව ඉගෙන ගත්තා. රුපවාහිනි අධ්යක්ෂනය,  නිශ්පාදනය පිලිබදවත් මට ඉගෙන්ගන්න ලෑබුනා .. වගේම රූපවාහීණී වැඩසටහන් සහාය අධ්යක්ෂණයටත් අවස්ථාවන් ලැබුනා. නමුත් තනතුර හොබවන්නට මට අවස්ථාව ලැබුනේ එකම එක ඒකාන්ගික ටෙලි නාට්යයක පමණයි.. මේ කාලයෙදි තමයි මගේ ජිවිතේ සතුටින්ම ගතකරපු කාලය, ඒත් සතුට පෑවතුනේ ඉතාම කෙටි කාලයක් පමනයි ... මේ කාලය තමයි මගේ ජිවිතේටකනකොකා හඩන්න පටන් ගත්තේ.. මම දෑක්ක හෑම හීනයක්ම මගේ ඉදිරියේදීම බොදවෙලා සේදිලා ගියා.
හිටි හැටියෙම මගේ එක කනක ශ්රවනය දුර්වල උනා. එක්කම ටික දවසකින් එය සම්පුර්නයෙන්ම නෑසීගියා. එවගේම අනිත් කනෙත් ශ්රවනය දුර්වල වෙන්න පටන් ගත්තා. පළමු කනේ ශ්රවනය දුර්වල වෙන්න පටන් ගත් මොහොතේ සිටම අද දක්වාම වෛද් ප්රතිකාර සදහා යොමු උනා. නමුත් අවාසනාවට මගේ කන් දෙකේම ශ්රවණතත්වය පහල  යාම නතරකරගන්නට බෑරි උනා. සියල්ල මෙසේ වෙද්දි මාස තුනක කාලයක් සදහා මට ශ්රවණාධාරකයක් බාවිතා කිරීමෙන් පිහිටක් ලබා ගත්තා. නමුත් තව තවත් මගේ කනට සම්බන්ධ ස්නයු දුර්වල වුනා. මගේ ඈසෙමින් තිබු එකම කනත් නෑසී ගියා(බිහිරිඋනා). මෙ සියල්ල සිදුවී දෑන් වසර එකහමාරක ටත් වඩා කාලයක් මම බිහිරි බව විදිමින් සිටිනවා. මේකාලය තුල මම ජිවිතේ දී වින්ද වේදනාව කියා නිම කරන්නට මට පුලුවන් කමක් නෑ.. . ගොඩක් වෙලාවට මගේ බ්ලොග් එකේ මම මගේ දුක කවි ලෙසින් පිට කලා.
මම කෙමෙන් කෙමෙන්න සමාජ ගතවිම අත්හරිනු ලෑබුවා. ගෙදර අය පවා යමක් මට පෑවසීමට ඈත්නම් කොලකෑලිවල ලියා දෙමින් අදටත් ..මා සමග සංනිවේදනය ගොඩනෑගිමට මහත්වු ප්රයත්නයක් දරමින් සිටිනවා.මම ගෙවාදෑමු මුසල කාලය පුරාවටම මම මගේ යහලුවන් ගෙදර අය සහ බොහෝ දෙනා සමග අදහස් හුවමරු කලේ කොල කෑලිවල ලියමින්. වෛද් වරුන්ගේ මතය වී ඈත්තේ තවත් අනපේක්ෂිත කාලයකින් මගේ කතා කිරිමත් නෑතිවනු ඈතිබවයි.
ජාතික රොහලේ උගුර කන නාසය පිලිබද ප්රධාන විශේෂඥ වෛද් ශාන්ත පෙරේරා යටතේ සෑත්කමක් කල අතර එයිනුත් කිසිම ප්රතිඵලයක් සිදුවුනේ නෑ ... නමුත් දෑන් මාහට ශ්රවනය නෑවත ලබා ගෑනීමටනම් කර්නශන්ඛ බද්යක් කලයුතු බව වෛද් නිගමනයයි. ඒසදහා අවශ් කරන උපකරනය ගෙන්වා ගෑනීම සදහා යන වියදම වු රුපියල් ලක්ශ 30(මිලියන 3) ක්වු විශාල වියදම මටවත් මගේ පවුලේ කිසිවෙකුටවත් දෑරිය නොහෑකි මුදලක්...
මගේ නෑදයනුත් මම මෙතෙක් කල් හම්බ කල මිතුරනුත් ඔවුනට හැකි ලෙසින් උදවු කිරීමට ඉදිරිපත් වෙමින් සිටිනවා. ජනාධිපති අරමුදලෙනුත් මුදලක් බලාපොරොත්තුවෙන් සිටින අතර මා සමග මගේ ඉලන්දාරියාබ්ලොග් අඩවිය සමගින් මා හා ඒකාත්මික වු වර්චවල් මිතුරන්ගෙනුත් හැකි උපකාරයක් බලාපොරොත්තුවෙන් මාගේ මේ සටහන තැබීමට සිතීමී. මා මෙවැනි සටහනක් තැබීමට කිසි දිනකත් නොසිතුවෙමි නොපැතුවෙමි. නමුත් මිනිසුන් අසරන වන්නේ නොපැතූ නොසීතු අවස්ථාවන් වලදීය. මාගේ බ්ලොග් අඩවිය තුලින් මා ගොඩක් හිතෛහී මිතුරන් හදුනා ගත්තා. වර්චුවල් අවකාශයෙන් තොර අවංක බැදීම් ඇති කර ගත්තා. සමහරුන් මා රෝහල් ගත වී සිටි කාලයේ මාගේ සුවදුක් විමසීමට පැමිණියා. වචනවලින් උවත් බ්ලොග් මිතුරන් මාව සෑහෙන දිරිමත් කලා. ඔවුනට අනේක වාරයක් ස්තූති. වර්වුල් මිතුරු කමවත් මට නොපැවතුනානම් මගේ ජීවිතය කිසිදු ශබ්දයක් නොමැති කලු වර කාමරයක තනිවුනා හා සමානයි මට වරෙක සිතෙයි.
ඉතින් මිතුරනේ මා හා ලැබැදිව සිටි ඔබගෙන් මා මේ උපකාරයක් බලාපොරොත්තු වන වෙලාවයි. ඔබට හැකියාවක් ඇතිනම් මට මගේ ආබාධය සුව කර ගැනීමට අත් වැලක් වෙන්න ඔබට අනේක වාරයක් ස්තුතියි. මේ සමග මගේ රෝගය හා සම්බන්ධ ලිපිද ඉදිරිපත් කරමි.  
ස්තුතියි!.
විමසිම්
0772332071 
0718050116
facebook :

D.M.D.T.B. දිසානායක
බෑංකු ගිනුම් අංක 71408612 
(ලංකා බෑංකුව මාතලේ )









Original post from http://ilandhariaya.blogspot.com/2011/01/blog-post_26.html

LinkWithin

Related Posts with Thumbnails