Wednesday, June 22, 2011

නාමේ නොදිරනා - ඒ.එම්.යූ. රාජ්

 
නාමෙ නොදිරනා.. කුණු කය දිරනා .. අරුමෙකි සෝබා සංසාරේ...
හැත්තෑව, අසූව දශක වල අතිශයින්ම ජනප්‍රිය වුන ගීතයක මුල් පද කිහිපය තමයි ඔය.  දැනටත් අර "කැත නැතුව අහන්න" පුලුවන් ලිස්ට් එකේ තියෙන එකක් මගේ නම්.  මේ ලඟදි අපේ මාරයියා පොඩි ඉල්ලීමක් දැම්මා "මලේ.. ඒ එම් යූ රාජ් මහත්තයගෙ සින්දු ටිකකුත් දාහං" කියලා.  මම කීපයක් බස් එකේ දැම්මා.  හුදී ජනතාවගේ රසාස්වාදය තකා බ්ලොග් එකෙත් දාන්නයි කියලා බැලුවේ. කමක් නෑනෙ.
හැටේ දශකයෙ වගේ ඉඳල අනූව දශකයේ මැද වෙනකම් ලංකාවේ "බොදු බැති ගී" එහෙම නැත්නම් "බුදු ගුණ ගී"  සෑහෙන්න බිහිවුණා.  මේකෙත් පොඩි විශේෂත්වයක් තියෙනවා.  ඒ තමයි මේ බුදුගුණ ගී වැඩ්පුරම ගායනා කරපු ගායකයන් ගෙන් මුලින්ම සිටින ගායකයන් තිදෙනෙක්ම අන්‍යාගමිකයන් වීම!  දන්න කට්ටිය අත් උස්සන්න බලන්න?
පලවෙනියා නම් හරිම ලේසියි.. බෙග් මාස්ටර්... නැත්නම් අල්හාජ් මොහිදීන් බෙග් මහත්තයා.  දෙවැන්නා ඒ.එම්.යූ. රාජ් නැත්නම් උඩයප්පන් රාජා.  තුන්වැන්නා ඒ. ජේ. කරීම්. 
රාජ් මහත්තයා දෙමළ ජාතිකයෙක්.  හින්දු ආගමිකයෙක්.  නාමෙ නොදිරනා, උතුම් බුදුන් ත්‍රයිලෝනාවී බුද්ධාලෝකේ පෑවා, දේවාති දේවරාජා, ඉසිපතනේ මිගදායේ, පුෂ්ප පිපී ලක්ශණ වේ මන්ද මාරුතේ හමා, තිලොවග රාජා බව සැරි සරලා වගේ බොහොම ජනප්‍රියවුන ගීත ‍රැසක හිමිකරුවා මෙතුමායි.  ජීවිතයේ අවසාන කාලයේ සිහි විකල්වීමකට ලක්වූ රාජ් මහතා මිය ගියේ බොහොම අසරණ විදියට. මේ කලාකරුවාගේ ගීත වලට අයිතිකරුවෙක් නැහැ.   රිමික්ස්, බයිලා නන්ස්ටොප් වලට මේ ගී පදවැල් බොහෝ විට භාවිතා වෙනවා දකින්න පුළුවනි (නාමෙ නොදිරනා, පුෂ්ප පිපී, ගුණ දහම හොඳ නරක කණපිටට පෙරළුනා  ගීත උදාහරණ). 

ගීත අහනකොට හිතෙන්න පුලුවනි, මේ මනුස්සය සින්දු කියනවද එහෙම නැත්නං කෑගහනවද කියලා. ඒකට හේතුවක් තියනවා, මොකද රාජ් මහත්තය මුලින් නූර්ති ගායකයෙක් (නූර්ති වල මයික් නෑ), ඒ විදියට තමයි ඉතින් දිගටම ගිහින් තියෙන්නෙ. පසුව ග්‍රැමෆෝන් යුගයේ එච්.එම්.වී. තැටි කිහිපයකට ගීත ගායනා කලා. පහලින් තියෙන්නේ අසූව දශකයේ මුල පටිගත කළ ගී කිහිපයක්. කැමති නම් බාගෙන අහල බලන්න. මේ ගීත ඔබේ පුද්ගලික ප්‍රයෝජනයට පමණක්, කිසිදු වෙනස් කිරීමකින් තොරව බාවිතා කරන්න කියලා පොඩි ඉල්ලීමකුත් කරන්න කැමතියි.



http://dl.dropbox.com/u/9040688/AMU_RAJ/NameNodirana.wma
http://dl.dropbox.com/u/9040688/AMU_RAJ/Guna_Dahama.wma

http://dl.dropbox.com/u/9040688/AMU_RAJ/loka_naatha_mage.wma

http://dl.dropbox.com/u/9040688/AMU_RAJ/namami_siripaa.wma
http://dl.dropbox.com/u/9040688/AMU_RAJ/Pushpa_pipi.wma
http://dl.dropbox.com/u/9040688/AMU_RAJ/uthum_budun.wma

4 comments:

  1. මට තාම මතකයි උඹ ඒ කාලේ අර ගෙවිච්ච තැටියක් වගේ නාමෙ නොදිරනා කුණු කය දිරනා කියනවා. ඒ සින්දුව ඇහෙනකොටම උඹව තමයි මතක්වෙන්නේ..
    -වෑලා

    ReplyDelete
  2. We would like to exchange a link with your site, please contact us sindulanthe@gmail.com

    ReplyDelete
  3. Songs are not playing and I can't download them either. Please tell me a way to listen to these songs :(

    ReplyDelete

මොනවා හරි කුරුටු ගාමු... comments will be visible after approval ...!

LinkWithin

Related Posts with Thumbnails