Tuesday, July 3, 2012

වර්ගපූර්ණිකාව ඇමරිකාවෙන් වසාදමයි...කතෲ අත්අඩංගුවට..රාවණ රජුගේ රහස හෙළිවේ..

අතීතයේ මුළු ලොවම සිය අණසකට යටත් කරගෙන සිටි රාවණා  රජුගේ රහස් මුළු ලොවටම හෙළි කළ වර්ගපූර්ණිකාව බ්ලොග් අඩවිය ඇමරිකාවෙන් වසා දමා ඇත.  එමෙන්ම වර්ගපූර්ණිකාවේ කතෲ තුමා අතඩංගුවට ගෙන ඇත. එම නිල නිවේදනය පහතින්..




 සමහරවිට මේ ලිපිය කියවන විට එතුමා මේ ලිපියේ අග ඇති රාවණා රජුගේ මන්ත්‍රයකින් CIA එකේ අම්මා මුත්තා දක්වා දූරිභූත කර නැවත අඩවිය ලබාගත්තා වීමට ඉඩ ඇති හෙයින් ඔරිජිනල් ස්කිරිං සොටයක් දාමි...



http://vargapurnikava.blogspot.com


 හරි ලස්සන කතාව.. රාවණා හූඇංපියෙං බලයට එනවා වගේ..

හැබැයි හුට්ටං අවුල් ටිකක් ඇත...


පලවෙනි අවුල මේකය.. ඒක වර්ගපූර්ණිකාවේ අනතුරු ඇඟවීමේ රූපය හොස්ට් කර ඇත්තේ බ්ලොගර් සයිට් එකේ වීමය.. ඔබටම රූපය මත රයිට් ක්ලික් කොට කොපි ඉමේජ් ලොකේශන් ‍තෝරා එම ලිංකුව වෙන ටැබයක ඕපං කිරීමෙංම බලාගන්ට පුලුවනි. කමක් නැත.. ඇමරිකාවෙනේ.. කොච්චර උනත් රාවණාගෙ යටත් රාජ්‍යයක් වෙච්චි...
මෙන්න ඒ ලිංකුව..

http://1.bp.blogspot.com/-38YwbRe7Yyw/T_Hqp1jhJBI/AAAAAAAAAgo/dkJ6gW9Pi1Q/s640/CIA.jpg

 මේං බලන්ටකො..




 ජයා මහත්තයා කොච්චර උනත් මංතරේකිං ලිංකුව මැකුවොත් කියලා ඕං මම ඒ රූපෙ ඩවුන්ලෝඩ් කරගෙන මගේ බොලොග්ගෙ දානව.

 හරි කොහොමිං කොහොමහරි ඒකත් හරියි කියමු. නේද.

 මේකෙ තියෙන්නෙ ඒරියා පනස් එකේ හෙඩ්කුවාටර් කියල නේද? ඒක හරි ඇති මට හිතෙන්නෙ. මොකද හෙළයෙං ගියපු වචනයක් වෙන්න ඇති. සුද්දා වැරදියට කියන.

අහ්.. තවත් පොඩි වැඩක් නෙ.. ඔය රූපෙ හදලා තියෙන්නෙ පිකාසා වලිං. ජොලි නේ..

මට හිනායනව ඕයි..

කොහොමහරි සීස් කරපු වෙබ් අඩවිය නැවත ලබාගන්ට ජයාට පොඩි උදව්වකුත් දෙන්නං..

මීවනපලානේ ජයරත්න මහත්තයෝ.. මෙන්න මේ මංතරේ දහස් වරක් කියන්න.හිරු නැගෙන වේලාවේ අධෝ මුඛය නැගෙනහිරට හරවා...


මෙහ්ධං පාරං කෙලියංච තාප්පච
සෙප්පඩ විජජා මාට්‍ටුං
රාවණා මහා වීරංච..
ජයරත්න කෙප්ප සාගරං..


ශ්‍රී රාවණ සිද්ධම්..




මීවනපලානේ ජයරත්න මහතා රාවණා ගැන අම්ම මෝ නැතුව කියද්දී මේ ලියුම් කරු ඊට මුවින් සිනාසුනි.  අපගේ මොළ බටහිරුන් විසින් හැඩගස්වා ඇත්තේ එලෙසය. දැනට සොයාගෙන ඇති පරිදි මීට පසු මා ඇතුළු සියළුදෙනා දෙපසිංම සිනාසෙනු ඇත. සුබ ගමන් ජයා.. කොහොම උණත් අන්තිම පේලිය, අපේ සිංහල ජෝක්ස් වගේ මරු සයිට් එක උඹේ එකත්.. ..


ජය..
වැම්පයර්

Saturday, June 2, 2012

බලු මස් කෑම - Dog Meat

මම කාලයක් පාට් ටයිම් වැඩ කරපු තැනක හිටියා කොරියන් කාරයෙක්. අපි මිනිහට කියමු ජුං කියලා. අර මාරයාගේ ජුංඅලයා නෙවයි, මූ  ජී-ජුන්ග්. ඔන්න එක දවසක් පොර මට කියපි මුගේ යාළුවෙක් ඇවිල්ලා ඉන්නවා කොරියාවේ ඉඳලා මෙහේ පදිංචියට,  ඌ බලන්න යමු කියලා.
මටත් ඉතිං සති අන්තය වැඩි වැඩක් තිබුණෙ නැති නිසාත් එතැන ඩියුටි ‍ෆ්‍රී අයිටම් තිබීමේ සෑහෙන්න ලොකු සම්භාවිතාවත් තිබුණ නිසාත් මමත් කකුල් දෙකෙන් ම කැමතිවුණා මුගේ යාළුවා බලන්න යන්න.

ඔන්න ඉතිං අපි දෙන්නා හිස් අතින්ම ගියා අළුත් බුවා බලන්න. මිනිහත් නියම බුලට් එක.   ජාත්‍යන්තර බාසාවෙන් තමයි ඉතිං අමාරුවෙං කතාව. අපි දන්නවද කොරියන්.

හරි දැං කතාව.. දැං තමයි පටංගන්නේ...

කොහොම හරි ටික වෙලාවක් යද්දි දොඩමළු වීම වැඩි වෙනවනේ. අළුත් බුවා කියනවා..(සිංහලෙං නෙවයි ඉතිං)

"මචංලා.. මට මෙහේ සුපර් මාකට් එකකදි බලු මස් හම්බුණා නේ.., මාස දෙකකිං විතර රහ  බැළුවේ..!!"

මටයි ජුං ටයි ෆුල් හොල්මං. අපි නොදන්න බලු මස් මෙහේ සුපර්මාකට් වල..ජුං කියපි..

"පිස්සුද බං.. මෙහේ නෑ නෙ බලු මස්..."

"නෑ නෑ.. මේ මම ඊයෙත් කෑවා.."

"ඒක නං කොහොමත් ම වෙන්න බෑ.. මෙහේ බලු මස් විකුණන්න බෑ..!"

"හරි පොඩ්ඩක් හිටහං මම ඒ ටින් එක ගේන්න.. බින් එක අස් කළේ නෑ ඊයෙ ඉඳලා..බින් එකේ ඇති..!" ඒ අළුත් බුවා..

"කොහොමද රස..?" ඒ හිනාව තද කරගත්තු ජුං..

"කොරියාවෙ තරම්ම නෑ..ටිකක් වතුර රහයි ඊට වඩා"...

ප.ලි.

ඇත්තටම මේකත් නියම වැඩක් නේ. අපි මාළු ටින් එකක් ගත්තොත් ඒකෙ මාළුවෙක්ගෙ රූපයක් තියෙනවා. බීෆ් ටින් එකක් ගත්තොත් හරකෙක් ඉන්නවා. ඒත් බල්ලෙක් ඉන්න ටින් එකක් ගත්තොත් ඒකෙ තියෙන්නෙ බලු මස් නෙවයි.. බල්ලන්ට දෙන පොශ් කෑම. අනේ මන්දා..



බ්ලොග් එක පටං අරගෙනත් අවුරුදු දෙකක් පහුවුණා. ලිවීම නං වැඩි වෙන සීඝ්‍රතාවයෙන් අඩු වෙනවා.

Wednesday, April 18, 2012

කොපි කළ හින්දි ගී.. I

මාතෘකාව දු‍ටුවනම සිහියට නැඟුනේ හැටේ දශකයේ සිට අනූව දශකය දක්වා සිංහල චිත්‍රපට ගීත කලාව හා ජෝතිපාලයන් නම්, ඔබ වැරදියි. මේ කුඩා සටහන් පෙළ ලියැවෙන්නේ ඉංගිරිසියෙන් හා වෙනත් බස් වලින් මුල් ගැයුම් ඇති, ඉන්දීය සංගීතවේදීන් විසින් අනුකරණය කොට නැවත ගැයුනු ගීත පිළිබඳවයි.  හැටේ හා හැත්තෑවේ සිංහල චිත්‍රපට ගී තරම් අනුකාරක ගී  ප්‍රමාණයක් නොවුණත් සැලකිය යුතු තරමක් වෙනත් අනුකාරක ගීත බොලිවුඩ් ගී කලාවේ පවතින බව කුප්‍රකට කරුණක්. පනහේ දශකයේ මොහොමඩ් රා‍ෆි හා කිශෝර් කුමාර් වැනි බොලිවුඩයේ වන්දනීය ගීත ගායකයින් ගේ පටන් උදිත් නාරායන් , ආල්කා යාග්නික්, කවීතා ක්‍රිශ්ණමූර්ති වැන්නවුන් දක්වාම අනුකාරක ගී ගායනයේ යෙදුණ වග පැවසුවහොත් ඔබ පුදුම වනවාට සැක නැහැ.  කොටින්ම කියනවානම්, ඔය කුච් කුච් හෝතා හේ චිත්‍රපටයේත් අනුකාරක ගීතයක් අඩංගු වෙනවා.

හරි පටන් ගමු එහෙනං.. ලිපි කීපෙකින් වැඩේ නවත්තනවා..නැත්නං මේක නිකං එක විදියක් වගේ වෙනවානේ.  ඇරත් හින්දි සින්දු මගේ ගෝචර විශයකුත් නෙවේ.. ඕං කිව්වා.. :)

නවසිය පනස් හයේ තිරගතවුණා සී.අයි.ඩී කියල චිත්‍රපටයක්. ගුරු දත් නිශ්පාදනය කල සී.අයි. ඩී වල දේව් ආනන්ද්, ජොනී වෝකර්, ශකිලා චගේ ඒ කාලෙ සෑහෙන්න ජනප්‍රිය වෙච්ච සෙට් එකක්ම රඟපෑවා. ජොනී වෝකර් රඟන පහත රූපරාමු පෙළේ ගායනය මොහොමඩ් රා‍ෆි ගෙන්, නයියාර් මහත්තය තමයි මියුසික් කලේ.



දැන් කට්ටිය දන්නවා නේද කොපිය මොකක්ද කියලා. ඔරිජිනලේ හද්දා පරණ සින්දුවක්. අටසිය ගණන්වල!  ඕ මයි ඩාලිං ක්ලෙමන්ටයින්...පහත තියෙන්නෙත් ඔරිජිනල් එක නෙවයි හොඳේ..



ඉවරයි කියල හිතුවට ඉවරම නෑ.. මේක කොපියක් කිව්වනේ ධර්මදාස වල්පොල මහත්තයත්!


සූරයා චිත්‍රපටයේ සැනසිල්ල නැලැවිල්ල..

ඊට පස්සෙ මේකම අමිත් වල්පොල, සුමිත් වල්පොල ඩබලත් කිව්ව වග කියන්න දෙයක් නෑ නේද..

අදට ගියා..


ජය..
වැම්පයර්

Sunday, April 15, 2012

නෑසෙන ගී රස - ටෙලිනාට්‍ය ගී - අවසන් කොටස



සුබ නව වසරක් වේවා.. පහුගිය අවුරුද්දෙ පටන්ගත්තු වැඩක් තියෙනවා නේ ඉවර කරන්න. මතක ඇති ටෙලි නාට්ටි ගී කියල පොඩි සෙග්මන්ට් එකක් ඇදගෙන ආවා. මේන්න මේකෙං ඒ නඩලම ඉවර කරන්නයි හදන්නෙ. මතකත් නෑ නෙ මොනවද දුන්නෙ කියල.. මේං මේවයිං පුලුවනි බලාගන්න.

ටෙලි නාට්‍ය ගී මුල් කොටස
ටෙලි නාට්‍ය ගී දෙවැනි කොටස
ටෙලි නාට්‍ය ගී තෙවැනි කොටස
ටෙලි නාට්‍ය  ගී සිව්වැනි කොටස

අහ් සිව්වැනි කොටස කියන්නෙ මේකනේ..ඒකෙත් හැටි..
පටන් ගමු ජයන්ත චන්ද්‍රසිරි මහත්තයගෙ දඬුබස්නාමානයෙන්..  කේමදාස මාස්ටර් ගෙ සංගීතයෙන්..

තේමාගීතය - රකිනා දිවිසිත
ගිනි කඳක් ලෙද - මාලිනී බුලත්සිංහල, අමරසිරි පීරිස්

පැටියෝ දුක දරාගන්න - මාලිනී බුලත්සිංහල.. මේක තිබුණෙ අකාල සන්ධ්‍යා ටෙලිනාට්‍යයේ..

දෝන ඉසබෙලා නොහොත් ගජමන් නෝනා ටෙලිනාට්‍යයේ
ජීවිතේ කවියක් - බණ්ඩාර ඇහැලියගොඩ,රෝහණ වීරසිංහ, නන්දා මාලිනී

මේක ඇහුවොත් දෙසරෙයක් අහනවා සහතිකෙන්ම.. බන්දුල නානායක්කාරවසම් සුදත් රෝහණ ගේ බැද්දෙ ගෙදර ටෙලිනාට්‍යයට ලියූ රෝහණ වීරසිංහ සංගීතවත් කළ නන්දා මාලිනිය ගැයූ
අකල් මාරුතෙන් ගිලිහී...
මේක කොහොමද බලන්න...
වරා මලෙන් - රොහාන් බුලේගොඩ,දීපා ජානකී,රාජ් වික්‍රමසිංහ, බන්දුල නානා තමා ලිව්වේ...

ඇසල කළුවර.. සුවඳයි මල් සුවඳ සේ...සමන්ත පෙරේරා, ඉන්දිකා උපමාලි, කේමදාස මාස්ටර් මියුසික් කළේ.. කුස රජතුමා තමයි ලිව්වෙ..

පාඨක ඔබේ ඉල්ලීමක්.. අග පිපි මල් ටෙලිනාට්‍යයේ නදීක ගුරුගේ...
අහස ගුගුරා..

එහෙනං ඉවර කරන්නං.. පට් පට් ගාල දැම්ම වැඩිය විස්තර කියන්නේ නැතුව.  උත්සව කාලෙ නේ.. නටාගෙන යන්න.. සිඩ්නි චන්ද්‍රසේකරගේ A9,
වාංග මචාං...





ජය..
වැම්පයර්

Wednesday, March 14, 2012

පයි දිනය වෙනුවෙන් පයි ගැන විස්තර

අද තමයි ලෝක පයි දිනය. කල්පනා කරල බැලුවොත් ඇයි අද පයි දියන කියල හිතාගන්න අමාරු වෙන එකක් නෑ. අද පයි දිනයෙ පයි වෙලාව තමා එකයි පනස් නවයයි තත්පර  විසි හය!  මේ සටහන පයි ගැන අමුතු අමුතු කාරණා සොයන්නන්නට. පයි ගැන ඔබ තුමන් ලා දන්නා වැඩි විස්තරත් කොමෙන්‍ටුවකින් දාලා යන්ට.

1. පයි කියන්නේ දැනට ලෝකයේ වැඩියෙන්ම භාවිතා වන දෙයක්. පයි කියන්නේ "ලොව වැදගත්ම" නියතය බව බොහෝ දෙනා පිළිගන්නා කරුණක්.

2. පයි කියන්නේ අපරිමේය (මේ සිංහල වචනෙ නං හරිද මන්දා, ඉ‍රැශනල් කියලයි කඩ්ඩෙං කියන්නේ) සංඛාවක්. ඒ කියන්නේ දශමස්ථාන ඉවර වෙන්නේ නෑ, දශමස්ථාන පුනරාවර්තනය (රිපීටිං ඩෙසිමල්ස්) වෙන්නෙත් නෑ. ඒ කියන්නේ p/q ආකාරයෙන් (p,q තාත්වික සංඛ්‍යා) ආකාරයෙන් පයි ප්‍රකාශ කරන්න බෑ!

3. ඒක නිසා වෘත්තයක පරිධිය/වර්ගඵලය, ගෝලයක වර්ගඵලය හා පරිමාව වගේ පයි කියන නියතය අඩංගුවන දේවල් න්‍යායිකව හොයලා  කවමදාකවත් හරියටම කියන්න බෑ!

4. පයි වල මුල් අංක එකසිය හතලිස් හතරේ අගය හයසිය හැට හයට සමානයි. (666 යක්ෂයාගේ ඉලක්කම)

5. දෙදහස් දෙකේදී ජපන් ජාතික ගණිතඥයන් පිරිසක් සුපිරි පරිඝනකයක් යොදාගෙහ පයි දශමස්ථාන ට්‍රිලියන 1.24 ක් ගණනය කර තිබුණා. කට්ටිය බලයි නේ මොකද මෙච්චර මේක ගැන නිවැරදිව හොයන්නේ කියලා.. උදාහරණයක් විදියට ගන්නකෝ අපේ මන්දාකිණියේ විශාලත්වය. අන්න ඒ වගේ රවුමක් කොච්චර ලොකුද කියලා බලාගන්න නිකං දන්න 22/7 න් ගුණ කරලා හරියන්නේ නෑ! හැබැයි දන්න කටිටිය නම් කියන්නේ දශමස්ථාන සීයකට අගය ඕනෑවටත් වඩා වැඩිය ප්‍රමාණවත් කියලා ඔය ගැලැක්සි වැඩේටත්!

6. පයි මුලින්ම නිවැරදි ක්‍රමයක් අනුගමනය කරමින් අනුමාන කළේ සරකියුසාවේ ආකිමිඩිස්, එහෙම නැත්නං නිකංම නිකං ආකිමිඩිස්! රෝම අධිරාජ්‍යයා සරකියුසාව යටත් කරගෙන ආකිමිඩිස්ව ගෙන්නගන්න පණිවුඩ යවලා තියෙනවා. ආකිමිඩිස් තමගේ කටයුතු වලට කෙතරම් අචධානයක් යොමුකර තිබුණාද කියනවානම් රෝමයට තමන්ගේ ප්‍රදේශය යටත් වුණු බව වත් දැනගෙන ඉඳලා නෑ! ආකිමිඩිස් බව නොදැන රෝමන් සොල්දාදුවන් අතින් ආකිමිඩිස් මිය යද්දී, "do not touch my circles!!  යනුවෙන් ආකිමිඩිස් ග්‍රීක් බසින් මොරදුන් වග සඳහන්.

7. ඇල්බට් අයින්ස්ටයින් පයි දවසේ උපන්නෙක්.

8. ආකිමිඩිස්ට පළමුව පයි පිළිබඳව ඊජිප්තු පැපිරස් ලියමනක සඳහන් වෙනවා. මේ ලියමන 1650 බී.සී. තරම් පැරණියි!

9. පයි කියන නියතය මිනිසුන් සෘජුව හෝ වක්‍රව භාවිතා කරන්නට පටන් අරන් වසර හාරදහසකට වැඩියි!
10. ග්‍රෙගරි ලෙබනීස් ශ්‍රේණිය පයි අගය ලබාගැනීමට ඇති සරල සූත්‍රයක්. පද ගණන අනන්තය දක්වා දිවෙනවා.

11. ගිසා හි පිරමීඩයේ පරිධිය හා උස අතර අනුපාතය පයි ගේ අගය මෙන් දෙගුණයකට ඉතා ආසන්නයෙන් සමානයි.

12. පයි ගේ දශමස්ථාන නිවැරදිව මතකයෙන් කීමට අයිති ගිනස් වාර්ථාව සතු වන්නේ චීන ජාතිකයෙකුට. ඔහුට දශමස්ථාන 67,890 ක් නිවැරදිව පයිගේ අගය කීමට පුළුවන් වෙලා තියෙනවා.

සුබ පයි දවසක් වේවා...!!


ප.ලි.
පයි දිනය - මාර්තු දා හතර - පයි ගේ  මුල් ඉලක්කම් 3.14 පයි වෙලාව 1.59.26 ..පයි ගේ මුල් අංක 3.1415926

Monday, March 12, 2012

නෑසෙන ගී රස.. ටෙලි නාට්‍ය ගී - සුසීමා, රතු රෝස හා ඉඳි ආප්ප කතාව- හිරුට මුවාවෙන් - අසන්නන් ගේ ඉල්ලීම්

පළමු කොටස
දෙවැනි කොටස

මේ තුන්වැනි කොටස..හා මම හිතන්නේ මම කැමතිම සින්දු ටිකක් තියන කොටස..

සුසීමා ටෙලිය දැනට ලංකාවෙ වැඩිම සින්දු ගණනක් තිබුණු එක වගෙයි මට හිතෙන්නේ. සින්දු පහක් හෝ හයක් තිබුණා. මේ දැනට මගේ ළඟ තියෙන, සොයා ගැනීමට ලැබුණු ඒවා..සියළුම ගීත වල නිර්මාණකරුවා ක්ලැරන්ස් මහත්තය තමා.

දේවතාවන් සිතන දේවල් - ක්ලැරන්ස් - සුසීමා තේමා ගීතය
video


දෑස පියාගත් කල
video



මට පෙනෙන්නෑ කොහිද ඉර හඳ

video

සිතේ සුසුම් නිවනා ගායනා


රෑ.. රෑ තාරකාවෝ.. මුමුණා කියන්නේ..මේකෙ තිබ්බෙත් සුසීමා මට මතක විදියට..

රතු රෝස ටෙලි නාට්‍යය.. කමල් අද්දර ආරච්චි ගේ මුල් කාලීන හොඳ රංගනයක් ඉදිරිපත් වූ ටෙලි නාට්‍යයක් ලෙස හැඳින්වීම නිවැරදියි. චාපා ලෙස රඟපෑ වන්දනා ලියනාරච්චිගේ එකම රංගනයත් මේ රතු රෝස නාට්‍යයයි. වන්නියට මතකයි නේ බම්ප් එක චාප ගේ.. :) අහන්න තේමාගීතය.. අමතක වෙන්න විදියක් නෑ...


ගීතය ගායනා කරන්නේ කමල් අද්දර ආරච්චි සමග ඉන්ද්‍රාණි පෙරේරා. පුද්ගලිකව මම සෑහෙන්න කැමති සින්දුවක්.

මල් යහනට වඩිනු මැනවි.. සමන් පිච්ච මල් කැකුළියේ


අද දවසේ අන්තිමට.. ඉඳි ආප්ප කතාව.. නැතිනම් හිරුට මුවාවෙන්. කුසල් කරලියද්ද හා ප්‍රීතිමාලි! මතකද දන්නේ නෑ. චම්පා ශ්‍රියාණි හා කමල් අද්දර ආරච්චි රඟපාපු මේ ටෙලියත් සෑහෙන්නම ජනප්‍රිය වුණා ඒ කාලෙදි.  අහලා බලන්න...

ඔබට හොරා ඔබ වෙත සෙනෙහස පා - දමයන්ති ජයසූරිය හා රෝහණ බෝගොඩ

මේ සින්දුවෙ මුලින්ම අර "ටං ටර ටර ටර ටං ටර ටං..." සද්දෙට අපි විදලා එන්නෙ ටීවී එක ඉස්සරහට...:)

නැවත හමුවෙමු..තව එකක් විතර දාන්නයි හිතන් ඉන්නේ.. නැත්නං මගේ බොලොගෙ ටෙලි බොලොගයක් වෙයි..


ජය..
වැම්පයර්


ප.ලි.
සියළුම ගීත ඔබේ පුද්ගලික පාචිචියට පමණක් යොදා ගන්නා ලෙස ඉල්ලමි. ප්‍රකාශන හිමිකම් පිළිබඳ ගැටළුවක් ඇතොත් මා වෙත ඊ මේලයක් යොමු කරන්න. සියළුම වගකීම් ගීතය ඉවත් කිරීමෙන් ඇවිරේ.

------------------------------------------------------------------------------------------------------

ඉංගිරිසියෙන් සොයන්නන් සඳහා
Rathu rosa teledrama song
Suseema teledrama songs
Hiruta muwawen song

Saturday, March 10, 2012

නෑසෙන ගී රස - ටෙලි නාට්‍ය ගී - දෙවැනි කොටස



 පළමු කොටස

ගංගා හා නිශ්ශංක ටෙලි නාට්‍යයේ සිනා පිපෙනා මේ වසන්තය ගීතය අදටත් ඉතා ජනප්‍රිය වග නොකිව මනාය. ලක්ශ්මන් විජේසේකර හා සමිතා මුදුන්කො‍ටුව ගායනයෙන් දායකවූ මෙහි මුල්පිටපත පහතින් ඇසිය හැකියි.

සිනා පිපෙනා මේ වසන්තය - මුල් පිටපත


පැරණි ටෙලි අතර සැරිසරද්දී නිල්මිණි තෙන්නකෝන්, රවින්ද්‍ර රන්දෙනිය, අජිත් ජිනදාස, අසෝකා වනමලී ඇතුළු නළු නිළි පිරිසක් රඟපෑ කුමාරයාණෙනි ටෙලිනාට්‍යය මතකයට නැගේ. සිඩ්නි චන්ද්‍රසේකර අධ්‍යක්ෂණය කළ කුමාරයාණෙනි හි ගීත කිහිපයක් අඩංගුව තිබුණු අතර ක්ලැරන්ස් විජේවර්ධනගේ හා  කලණි පෙරේරා ගේ සංගීතයෙන් සියළුම ගී රසගැන්වී තිබුණි.

අහන්න පහත ගීත...

හදේ කොතැනක නිවී සැඟවුණ - ඉන්ද්‍රාණි පෙරේරා

අත්වැල ගිලිහී - අමරසිරි පීරිස්

ක්ලැරන්ස් විජේවර්ධනයන්ගේ  ඈත එපිට හිම කන්දෙන් ගීතය කුමාරයාණනි තේමා ගීතයයි.

ඈත එපිට හිම කන්දෙන් - මේරියන්ස් අන්ප්ලග්ඩ්  ගීතය  

ටෙලි නාට්‍යය සෙනුරි විය යුතුයි,  රූකාන්ත චන්ද්‍රලේඛා ගේ තවත් අගේ කල යුතු නෑසෙන ගීතයක්. මුල් පිටපත පහතින් ඇසිය හැකියි.

සීතල සිතුවිලි උණුසුම් සුසුමින්

අසන්නන්ගේ ඉල්ලීම් කොමෙන්‍ටුවක් හරහා යොමුකල හැකියි...

නැවත හමුවෙනතුරු..

ජය..
වැම්පයර්

Saturday, February 25, 2012

නිකං ස්ටාර්ස් හා සුපර් ස්ටාර්ස්




මේ වීඩියෝවෙ තියෙන එකම විශේෂත්වය නදීක ගුරුගේ හා ඉන්ද්‍රචාපගේ විශිෂ්ඨ හඬ පාලනය හා වාදනය විතරක් නෙවයි. අනිත් ඉන්න සැට් එක ඒක රස විඳින ආකාරයත් මේකෙන් නියමෙට පේනවා. රසවින්දනය පුද්ගලානුබද්ධයි. සෑහෙන්න හොඳ උදාහරණයක් මේක. නදීක ගුරුගේ කියන්නෙ මට හිතෙන විදියට අමුවෙං ගහනවා, එහෙම නැත්නං බොක්කෙං ගහනවා, කියන ලෙවල් එකේ සංගීතවේදියෙක්.  වැඩිය ජනප්‍රිය නැතිවුණත් සැබෑ දක්ශයෙක්. බලල බලන්න. අහල බලල විතරක් මදි වෙයි! පනම් අටෙන් කවර්ස් වල සෑහෙන්න වෙනස් විදියේ මූඩ් එකක් තියන කවර් එකක්. නෙවිල් මේකෙ මුල් ගායනයේදී ඉංගිරිසි සම්භාව්‍ය ඌරුව අනුගමනය කරන්නේ. සැබෑ සංවේගජනක පණිවුඩය ලැබෙන්නේ නීලා වික්‍රමසිංහ මහත්මියගේ ගායනයෙන්. (ඒ මට හිතෙන හැටි!). මේකෙං නම් මට එහෙම මුකුත් හිතුනේ නෑ. ඒත් මේකත් නරක නෑ!

Thursday, February 23, 2012

නෑසෙන ගී රස - ටෙලි නාට්‍ය ගී කිහිපයක් - එම්පීත්‍රී සහිත



මට මතක විදියට අන්තිමට ලංකාවේ ටෙලි නාට්‍යයක්   හරියට බැලුවේ  මීට අවුරුදු අටකට විතර කළින් වෙන්න ඕන. අනූව දශකයේ අගින් පස්සෙ සෑහෙන්න හොඳ රස වින්දනයක් වගේම සමාජයට වැදගත් පණිවුඩත් ‍රැගෙන ආපු ලාංකීය ටෙලි නාට්‍ය කලාව වාණිජකරණය වී ගොන් පාට් බවට පත්වූයේ අපිටත් නොදැනීමයි. අනේක විද අකුරු පහේ, හතරේ, තුනේ, දෙකේ ගැහැණු නම් වලින් පිරුණු  ලංකාවේ ටෙලි ගැන දැන් මට ඇත්තේ කළකිරීමක් විතරයි. වෙනස් වීමේ, නව මායිම් සොයා යෑමේ වරදක් මා දකිනවා නොවේ.

අඹ යහළුවෝ.. අදත් මට මතක් වෙන හිතට තේරුම් කරන්න බැරි බොහොම ලස්සන හැඟීමක්.  ඉස්සර වෙලේ දුවපු හැටි, සරුංගල් යවපු හැටි.. හවස ඇලට පැනලා  දියබුං ගහපු හැටි.. එදා එකට හිටපු.. අද දකින්නටවත් නොලැබෙන මිතුරන්..

ක‍ටු අකුලේ - මුල් පිටපත

හොඳම දේ දරුවන්ට.. සමානාත්මතාවයේ මුල් පාඩමක් මට ඉගැන්වූ සුවඳ කැකුළු ටෙලි නාට්‍යය..

සුපිරි ගණයේ ප්‍රතිභා එකතුවක්..  ඉටි පහන් ටෙලි නාට්‍යයෙන්

අඹු දරුවෝ.. මගේ ගීත වාදන යන්ත්‍රයේ නිරතුරුව වැයෙන්නක්...

අවසඳ.. කතා තේමාව නම් මතකයෙන් ගිලිහිලා..

පසුව හමුවෙමු.. මෙතනත් එකක් තියෙන්න ඕන..

http://blogvampa.blogspot.com/2010/08/nawathanpole-oba-unna-i.html

Wednesday, February 15, 2012

සිරිල් ටියුඩර් ප්‍රනාන්දු, නොහොත් සී.ටී. ප්‍රනාන්දු | C.T. Fernando



සිරිල් ටියුඩර් ප්‍රනාන්දු, නොහොත් සී.ටී. ප්‍රනාන්දු ශ්‍රී ලාංකික පොප් සංස්කෘතියේ නිර්මාතෲ යැයි මට සිතුනේ වරක් දෙවරක් නොවේ. ග්‍රැමෆෝන් යුගයේ අවසාන කාලසීමාවේදි ශ්‍රී ලාංකික ශ්‍රාවකයන්ට "අමුතු" යමක් කිරීමට සී.ටී. ප්‍රනාන්දු සමත්වූ වග මාගේ හැඟීමයි. ඔහුගේ තනු වලට හා හඬ හැසිරවීමට ඉංගිරිසි තනු/ගීත වල ආභාශය නොඅඩුව ලැබී තිබුණද පද රචනා ව තුලින් ඔහු සිංහල රසිකයාගේ සිත දිනාගැනුමට සමත්විණ.  පල්ලියේ ගායක කණ්ඩායමේ නිත්‍ය සාමාජිකයෙකු ලෙසින් සංගීතයට පිවිසුණ සී.ටී. "පින් සිදුවන්නේ, බිළිඳා නැලෙවේ උකුලේ" ගීත සමග රේඩියෝ සිලෝන් (ගුවන් විදුලි සංස්ථාවේ) සරල ගී ගායකයෙකු ලෙස තමන්ගේ සංගීත ගමනට ස්ථිර අඩිතාලමක් සකසා ගත්තේය. 

බර බාගේ, ලෝ අඩ නින්දේ, අම්බිලි මාමේ ආදී ගී සමඟ තමන්ගේ පළමු තැටිය හිස් මාස්ටර්ස් වොයිස් HMV  ලේබලය යටතේ ඉදිරිපත් කරන සීටී, ධර්මදාස වල්පොල හා සමග කරට කර පැමිණෙන්නේ ලංකාවේ ජනප්‍රියම ගායකයන් වශයෙනි. බොහෝ ගීත වලට තනු නිර්මාණය  කොට තිබෙන්නේ පැට්‍රික් දෙනිපිටිය හා සීටී විසින් වන අතර පද කරුණාරත්න අබේසේකරයන්ගෙනි. (අම්බිලි මාමේ ගීතයේ පියානෝව ඇසෙන විට පැට්‍රික් දෙනිපිටිය මතක් වේවි).

ඇන්ජලීන් ගුණතිලක, රුක්මණී දේවි, ලතා වල්පොළ සමඟ යුග ගීත කිහිපයක් ගායනා කල සීටී හතර මහ නිධානය, නිම් වලල්ල, සාරවිට, පෙම් කුරුළ්ලෝ වැනි චිත්‍රපට කිහිපයක ගීත ගායනා කළේය. ඔහුගේ මුළු ගීත එකතුව හැත්තෑ පහක් පමණ වන්නට ඇති වග මාගේ හැඟීමයි.
 
සීටී බොහෝ ගීත ගායනා කළ ගායකයෙකු නොවේ. එහෙත් ඔහු සිංහල ගීත කලාවේ මෙතෙක් පහළවූ විශිෂ්ඨයන් අතර නිතරඟයෙන්ම ‍රැඳවිය හැකි වන්නේය. එයට  හේතුව ඔහුගේ ගීත අද දක්වාම ජනප්‍රිය නිසාම නොවේ. පසුව සිංහල ගීත කලාව නව මාවත් වලට යොමු කළ ක්ලැරන්ස්, ඇනස්ලි මාලේවන, ඩෙස්මන්ඩ් සිල්වා වැනි කලාකරුවන්ට අනුප්‍රාණ සැපැයූ නිසාවෙනි.

සේයාරුව ඩේලි නිව්ස්.. පැට්‍රික් දෙනිපිටිය ගිටාරය සමඟ, සීටී (උපැස් යුවලක් පළඳා) හා මහාචාර්ය සුනන්ද මහේන්ද්‍ර..

පහතින් ගීත කිහිපයක් ඇසීමට පුළුවනි.

අඹරුක් සෙවනැල්ලේ

අම්බිලි මාමේ

කළු මහවැලි කැළණිද වලවේ

කිමද සුමිහිරියේ

ලෝ අඩ නින්දේ

පින්සිදු වන්නේ

සැළලිහිණි කොවුල්
 




Friday, February 10, 2012

නෑසෙන ගී රස - මිල්ටන් මල්ලවාරච්චි (එම්පීත්‍රී සහිත) - Milton Mallawarachchi

මේ තරම් වූ මා පෙලූ මෙදා
මීවිතක් වී ආදරේ එදා
මා දුටූ ඒ රුවේ රූ සිනා
සිහිවේ කෝ ඈ නෑ මෙදා

මා දිහා ආදරෙන් බලා
ගේ කොනේ හී හැංගිලා හැංගිලා
ආලෙන් බලා
ආයෙත් ගියා
තාමත් නෙත් ඒ ගේ දිහා

ඒ සිනා ඒ ආදරේ සිනා
මා සිතේහී හැංගිලා හැංගිලා
මේ වාරයේ ඈ ආ දිනේ
මේ ගී වේ ආරාධනා..


සඳයි තරුයි අහසෙ පායලා
සිඳුයි ‍රැළියි විලස එක්වෙලා
මා නිබඳින් පැතු ඒ විලසින්
ඇගෙයි මගෙයි දෙහද එක්වෙලා

මා පෙරදා මගදී හමුවී
මදහස් ‍රැලින් කියූව ආදරේ
ඈ නෙතගින් තෙපලූ වදනින්
තිර ආදරේක මැදුර බිහිවුණේ

මා සැමදා ඉපිළී සතුටින්
පෙම් පුරාණයට ලියූ ගීතිකා
ඈ සවනේ රඳවා සැනහී
ගොළු ආදරේට ජීවෙ යා කළා




ප්‍රේමකීර්ති මිල්ටන් මල්ලවාරච්චිට ලියූ ගී



http://blogvampa.blogspot.com/2010/10/milton-mallawarachchis-songs-written-by.html



සිත් ගත් ගී ලේබලය යටතේ මෙවැනි තවත් ගී ඇසිය හැකියි..
http://blogvampa.blogspot.co.nz/search/label/Sith%20Gath%20Gee


Coming Up - තිලකසිරි රත්නායක

ජය..
වැම්පයර්

Monday, February 6, 2012

ලෝකෙන් උතුම් රට ලංකාවයි - හැටහතරවන නිදහස් සැමරුම වෙනුවෙන් මගේ පංගුව..


පෙර රජ දවස වැවු දාගැබ් ගණන් කොට
ගල් කණු අතර හප කරමින් බුලත් විට
ඇවිදින විටත් නිදියන දූ පුතුන් ලද
මේ මගෙ නිජබිමයි ලෝකෙන් උතුම් රට

කහට කෝප්පේ පොගවා ගිලින්නට
පාන් කෑල්ලක් යදිනා දනන් හට
ඇස් නැත සිදුව ඇති දේ ගැන දකින්නට
එනමුත් මගෙ රටයි ලෝකෙන් උතුම් රට

රැවටී සුවහසක් බොරුකාරයින් හට
පාඩම් ලබා නැත යුග යුග ගනන් සිට
දෑසේ කදුළු ඉතිරිව නැත අඩන්නට
එනමුත් මගෙ රටයි ලෝකෙන් උතුම් රට

උගසට තබා මගෙ රට පිට රටුන් හට
ලොව බලවතුන් අභිමුඛයෙ දනින් සිට
සිග්මන් යදිමු සාගින්දර නිවන්නට
එනමුත් මගෙ රටයි ලෝකෙන් උතුම් රට

 සුනිල් ආරියරත්නයන්ගේ පද වලට ඔගස්ටස් විනයාගරත්නම් සංගීතය 


අතපසුවීම / වැ‍රැද්ද පෙන්වාදීම පිළිබඳ  කතන්දරට බොහොමත්ම ස්තුතියි.. ඔස්ටින් මුණසිංහ තමා..සංගීතය..


නෑසෙන ගී රස ඇල්බමයෙනි..

අසන්නන්ගේ ඉල්ලීම් - ගුණදාස කපුගේ

ඇසුණත් නෑසෙන දු‍ටුවත් නොදකින
නුඹෙ තුන් සිත වැසෙනා
අපේ නටඹුන් ප්‍රේම නගරේ
වන්දනාකරු මා.. වන්දනාකරු මා..


පහුගිය දවසක පලාමල්ල ලියන පිස්සා කොමෙන්ට් එකක් දාල ගුණදාස කපුගේ මහත්තයගෙ නෑසෙන ගී ලිපියට මෙන්න මෙහෙම..!

"වැම්ප උබ ගාව තියෙද ?? ප්‍රේම ... මට මතක නෑ බන්... ප්‍රේම මන්දිරේද මන්ද.. කපුගේ ගේ"


මොකේද දං වළඳන්නේ කිව්වලු.. මෙහෙම කිව්වට මතක් වෙනවැයි...

මේං ඊට පස්සෙ..

මතක් උනා...

ඔබේ නටඹුන් ප්‍රේම නගරේ වන්දනාකරු මා....

තියෙනම් දියන්


අන්න එහෙම එන්නෙපැයි.. "ඔබේ" නෙවයි මචං.. "අපේ" අපේ..!

මගේ මිත්‍ර පිස්සා.. මේ උඹට..

Thursday, February 2, 2012

හොඳ ඇම්ඩන් කතාවක් - ඊමේලයකි

 (ඊමේලයකින් ලැබුණකි, කතෘ නොදනිමි)

ඔන්න ඉතින් ඇම්ඩන් ස්කොලේ ගිහින් ඉවර නිසා පොඩි ජොබ් කට්ටක් හොය හොය ඉන්න කොට, ජොබ් එකක් සෙට් උනා පේදුරුතුඩුව දෙවුන්දර තුඩුව බස් එකක කොන්දොස්තර කෙනෙක් විදියට, ඉතින් මිනිහා හරිම උනන්දුවෙන් තමයි මේ ජොබ් එක කරන්නේ, මිනිහා ඉතින් මාර අසයි බයිලා අහන්න, බස් එකේ යන එන හැම වේලාවෙම මිනිහා බයිලා කැසට් අහනවා,

දවසක් ඇම්ඩා බස් එකේ ඇන්ටන් ජොන්ස්ගේ බයිලා කැසට් එකක් අහ අහ යන අතර එක පාරටම කැසට් එක හිර උනා, ඒ වෙලාවේ කැසට් එකේ ගියෙත් කතරගම් රූප සුන්දරිය මනන්පේරී ගැන තියෙන ඇම්ඩන් ආසම සින්දුවක්, ඇම්ඩන් ඒ වෙලාවේ හිටියේ බස් එකේ පිටිපස්සේ, මිනිහා හනි හනිකට බස් එකේ ඉස්සරහට ගිහින් කැසට් එකට මොකද උනේ කියලා බැලුවා, මාර සීන් එක කැසට් පිස් එක හිරවෙලා කැසට් එක ඇතුලේ, ඇම්ඩන්ට දැන් හොදටම මල, මිනිහා කැසට් පීස් එක ඇදලා එලියට ගත්තා, එත් ඒක හිරවෙලා තිබුන නිසා කැසට් පීස් එකේ පටියේ භාගයක් කැඩිලා පොඩි පට්ටම් වෙලා තමයි පීස් එක එලියට ආවේ. දැන් ඉතින් මොනවා කරන්නද එදා වෙලාවට වෙන කැසට් තිබුනෙත් නැහැ බස් එකේ මොනා කරන්නද කියලා හිත හිත ඉන්නකොට ඔන්න ඇම්ඩන්ට හොද අයිඩියා එකක් ආවා,

මිනිහා ටක්ගාලා ඩ්‍රයිවර්ට කිව්වා මිනිහට සෙලෝටෙප් එකක් ගන්න පුළුවන් තැනකින් විනාඩියකට බස් එක නවත්තන්න කියලා. ඔන්න බස් එල නැවැත්තුවා, ඇම්ඩන් ඉක්මනට බස් එකෙන් බැහැලා කඩෙට දුවලා ගිහින් සෙලෝටෙප් එකයි කතුරකුයි අරගෙන බස් එකට අවා, බ්ස් එක පිටත් උනා, අම්ඩන් දැන් අර කැසට් පීස් එකේ පටිය පොඩි උන තැන කපලා අයින් කරලා කැසට් පටිය ආපහු සෙලෝටෙප් එකෙන් අලවලා අපහු කැසට් එක දැම්මා,

වැඩේ හරි, කැසට් එක එලකිරි වගේ වැඩ, ඔන්න ආපහු ඇම්ඩන් කැසට් එක මුලට රිවයින් කලා කරලා, අපහු කැසට් එක දැම්ම, ටික වෙලාවක් කැසට් එක වැඩ කලා, ඔන්න දැන් ඇම්ඩන් ආසම මනම්පේරිගේ සින්දුව අපහු යනවා, දැන් ඇම්ඩට මාර හැපී,

ප්‍රේමවතී මනම්පෙරි තරුණිය
කතරගමට හිටපු රූප රැජිනිය
පතිවත කෙලසලා අගේ
මරුවේ තිරිසනෙක් වගේ
ශාන්ත අන්තොනි මුනිතුමා....
ඔබ ගුණ ගයමි අද මේමා..........

ඇම්ඩන්ට එක පාරටම තරු විසි උනා, බස් එකේ මිනිස්සුත් එක එක එවා කියන්න පටන ගත්තා මේ සින්දුව ඇහිලා, ඇම්ඩා ආපහු ඉස්සරහට දුවලා ගිහින් බැලුවා මොකද සීන් එක කියලා, බැලින්නම් ඇම්ඩන් අර අලවපු තැන තමයි මේ විදියට වෙලා තියෙන්නේ අයින් කරපු කැල්ලේ මනම්පේරි සින්දුවේ අන්තිම ටිකයි සාන්ත අන්තොනි මුනිතුමා සින්දුවේ මුලටිකයි කැපිලා ගිහින් මේ විදියට තමයි පටිය ජොයින්ට් වෙලා තියෙන්නේ.

Saturday, January 28, 2012

නෑසෙන ආදර ගීතයක් - ශෙල්ටන් පෙරේරා Shelton Perera

කිකිණි වැල් ගිගිරි දැල් රසය ගල ගලා
හඬද  ඒ එන්නෙ මේ සුළගෙ මුසුවෙලා

පිපෙන කුසුම් පිපීයන් නොපිපුණු මල් පිපීයන්
සඳ කැල්මෙන් නැහැවිලා  වන දෙව්ලිය හිනැහියන්
ආදරේ ආදරේ ගඟුල බිහිවෙලා

වසන්තයේ සුළං ‍රැල් දිගන්තයේ හමාවී
ආදරයේ ගීතිකා සතර දිගින් ඇසේවී
ආදරේ ආදරේ ගඟුල බිහිවෙලා

සශී පෙරේරා, ශෙල්ටන් පෙරේරා

මක් කිව්ව.. ශෙල්ටන් පෙරේරා අඳුරන්නෙ නෑ? එහෙනං පට්ස් ගාල මෙතනින් බලාගෙන එන්න..
පටිගත  කළේ කැසට් පටයකින් නිසා තත්වන නං එච්චර හොඳ නෑ. ඒත් ඉතිං මෙහෙම හරි තියෙන එක මදැයි.

Friday, January 27, 2012

විජය කුමාරණතුංග 2 - Vijaya Kumaranathunga 2


පෙබරවාරි දහසයවැනිදාට යෙදෙන ව්ජය ගුණානුස්මරණය නිසාවෙනි.
අසූවේ මුල්බාගයේදී ශ්‍රී ලංකා නිදහස් පක්ෂයේ ක්‍රියාකාරී දේශපාලන ගමනට සමුදෙන විජය ශ්‍රී ලංකා මහජන පක්ෂය ලෙස නව පක්ෂයක් පිහි‍ටුවාගනී. එකළ ශ්‍රී ලාංකික සිනමාව තුළ පැවති අර්බුධකාරී වාතාවරණය සමථයකට පත් කරනු වස් විජය දැරූ තැත මොනවට පැසසුම් කටයුතුය.

එල්ටීටීයේ අත්අඩංගුවට පත්වූ පාබල හමුදා සොල්දාදුවන් මුදාගනුවස් විජය ගත් උත්සාහයත්, යාපනයේ විජයගේ සංචාරයත් විජයගේ දේශපාලන ගමන් මගේ දැල්වෙන එළි දෙකක් වැනි යැයි මට සිතේ.

කපුගේ, නන්දා මාලිනී අවුළුවමින් තිබුණු සිංහල විප්ලවීය ගීත අතරට අතර  විජය ගයන අළුගෝසුවනේ ගීතය මගින්  දුන් පි‍ටුබලය ගැන අ‍ටුවා ටිකා නොකිවමනාය.

දඟගෙයි දඬුවම් සියුමැලි වැඩි නම්
අලුගෝසුවනේ එල්ලාපන්
අලුගෝසුවනේ එල්ලාපන්
කටු ඉඹුලේ අප එල්ලාපන්

යුක්තිය උදෙසා කෑ මොර දීමයි
දඟගෙයි ලෑමට අප සැම කල පව
මුඛවාඩම් බැඳ එකෙකු නසන කල
දනිව් සුවහසක් තව උපදින බව

වරදට එරෙහිව අවි ඔසවන්නේ
රටකට දයකට හිත ඇති මිනිසුන්
ශාන්තිවාදී තපස් රකින්නේ
පිට කොඳු බිඳගත් ඔලමොළ නිවටුන්

සුනිල් ආරියරත්නයන්ගේ පද
සංගීතය: විශාරද ගුණදාස කපුගේ

අදටත් විජය, ජෝතිපාල, මිල්ටන් පෙරේරා නැති අඩුව අපට දැනෙන්නේ නවක ගායන තරු වල කුසලතා හීනත්වය නිසාවත් හරසුන් බව නිසාවත් නොවන බව සිහිකටයුතුය. ඒ සැබෑ මිනිසුන් ලෙස ඔවුන් දැක්වූ මානව හිතවාදීත්වය හා ආටෝපයන් තොරව තම ප්‍රතිරූපය ප්‍රතිභාවෙන් පමණක් ඉහල නංවාගත් නිසාවෙනි.
කලක් තිස්සේ - දුක හිතෙන වර්ශන් එක - තුශාරා චිත්‍රපටයෙන් (අනිත් එක අහන්න kalak thisse -1 යනුවෙන් යූටියුබ් සෙවුමක් කරන්න)

අසූ අටේ පෙබරවාරි දහසය වැනිදා එල්ලවූ වෙඩි පහර කිහිපය ඔවුන් එල්ල කළේ ඔබට පමණක් නොවේ. ඒ වෙඩි පහරේ නොමැකෙන සලකුණු තවමත්  ලාංකීය සිනමාවේ, සරල සංගීතයේ, හා මහත්මා දේශපාලනයටයේ පැහැදිලිව දක්නට තිබේ. 

මිණි කිංකිණි හඬ පරදා - උපාලි ධනවලවිතාන, සරත් දසනායක
පායා සීත ‍රැයේ - කුලරත්න ආරියවංශ, සනත් නන්දසිරි

රූස්ස ගහ ළඟ පාළු මාවතේ
කළුවර යාමේ කළු ගඟ අයිනේ
කවුරුද ඈතින් මා අමතන්නේ
ඔබේ සුවඳ දෝ හිත දැවටෙන්නේ

එහා තොටින් ඔබ පාරුව පැදගෙන
මෙහා තොටට එයි මා හමුවන්නට
දෙදෙනා පෙම් කළ මේ ගං තොටුපළ
සිහින නගරයකි ඔබ මා වෙන්කළ

පාරුව පෙර මෙන් ගඟ මැද පෙනුණා
පියවර හඬ මා අසලම ඇසුණා
ඡායාවකි එය මායාවකි එය
සසර පුරා ඔබ ඈතට ඇදුණා

පද රචනය - උපාලි ධනවලවිතාන
සංගීතය - සරත් දසනායක

විජය ඔබට නිවන් සුව..! 

ප.ලි- චිජය ඝාතකයා ලයනල් රණසිංහ නොහොත් ගාමණී ලෙස පසුව හඳුනාගන්න ලදී.

නෑසෙන ගී රස විශේෂාංගයෙන් විජය කුමාරණතුංගයන්ගේ ගී කිහිපයකින් නුදුරේ හමුවෙමු..
පැරණි ගී සුරකින මියුරුගී වෙබ් අඩවියට මාගේ නොවක් ස්තුතිය හිමිවිය යුතුවේ.

මාගේ බ්ලොගර් අඩවියේ තිබූ තාක්ශණික දෝශයක් නිසාවෙන් ප්‍රතිචාරවලට පිළිතුරු දැක්වීමටද, ෆලෝ කිරීමටද නොහැකිව තිබුණි, සමාවන්න.  එම දෝශයන් දැන් නිවැරදි කොට ඇත. 

Monday, January 23, 2012

නෑසෙන ගී රස - සුනිල් එදිරිසිංහ (එම්පීත්‍රී සහිත)


සුනිල් එදිරිසිංහ කියපු ගමන් මතක් වෙන සිංදු ගොඩක් තියෙනවා නේද? පාරු පාළමෙන්, සඳකඩ පහනක, ශිල්ප සොඳින්, සොර දෙ‍ටුවෙක් වගේ ඒවා.. සාමාන්‍යයෙන් මම නෑසෙන ගී රස ලේබලය යටතේ යොමු කරන්නේ එතරම් ජනප්‍රිය නොවුන එහෙත් දෙවරක් අහන්නට සිතෙන ගීත. පහතින් ගීත 4ක් තියනවා, අහල බලන්න. . එම්පීත්‍රී සබැඳුම් www.mp3srilanka.com

දරමිටි බැඳගෙන නියඟය අවුලා
සූරිය දෙවියෝ වැඩ ඉන්නේ
වැවට දිරාගිය කඳ උඩ ඉඳගෙන
කොකුනේ කාටද හිනැහෙන්නේ

දෝතින් බොන්නට දියට නැමී
කෙකටිය ගාලෙන් ඉගිලෙනවා
හඳපානට නුඹ නිකිණි මහේ
වැව් ඉස්මත්තේ හැංගෙනවා

අහස පිහින්නට ඉපල තනා
ගහකොළ දළු මල් දන්දෙනවා
කුරහන් අහුරක සුවඳ අගේ
සිඟිති පැටව් දැක සිහිවෙනවා

-සුනිල් ආර් ගමගේ (හරියටම මතක නැත)


රෑ වැඩමුරය අවසන් වන කණිසමට
නුඹෙ මුව පෙනෙයි පරවුණු කුසුමක් ලෙසට
අරුණලු කැරලි නැගෙනා සඳ අළුයමට
නුඹේ ලොවට රෑ වෙයි පෙර කළ පවට

තුන් තිස් පැයේ දෑඟිලි නිදි වරන්නේ
නිල් එලියටයි පෙති ගෝමර දැවෙන්නේ
මල්විය නොවෙද මේ දියකර හරින්නේ
මැසිමද හිතද මහ හයියෙන් හඬන්නේ


නුඹේ කඳුලැලිද සයුරේ රළ නගන්නේ
හද සුසුමන්ද පවනක් වී හමන්නේ
තනි නොතනියට හෙවනැල්ලද සිටින්නේ
ඇඳුමද නුඹේ ජීවිතයද මහන්නේ


තනිකලේ
කෙළෙසද මා ඔබෙන් වෙන්කළේ
සැඟවුනේ
කොතැනද ඒ නුවන් සැඟවුනේ

මසිත හොවා රුදුරු පාළුවේ
දුරක මැකී ගියද ඔබ මෙසේ
සිතින් ඔබේ ළඟයි මා සදා
ජීවිතේ

තනිකලේ
කෙළෙසද මා ඔබෙන් වෙන්කළේ
සැඟවුනේ
කොතැනද ඒ නුවන් සැඟවුනේ

-කුලරත්න ආරියවංශ, රෝහණ වීරසිංහ



මගේ සෙනෙහස මෙතෙක් වේ යැයි
මනින්නට ඔබ උගෙන නැත තව
මගේ අවසන් සුසුම පමණද
අවැසි ඔබ හට මා දකින්නට

වසර ගණනක යොදුන් ගණනක
ගමන් මග අප ගෙවා ඇත්තෙමු
තරු වියන් යට කුසුම් පෙති මත
දෑත් පටලා ඇවිද ඇත්තෙමු
එහෙත් සුහදිනි

මගේ සෙනෙහස මෙතෙක් වේ යැයි
මනින්නට ඔබ උගෙන නැත තව

මිලින කුසුමෙක මිලින සිහිනෙක
මගේ සිහියද සැඟව ගත් කල
සිතනු මැන ඔබ ඔබට අවනත
හදක් මිහිමත මෙතෙක් රැඳි වග
එහෙත් සුහදිනි

මගේ සෙනෙහස මෙතෙක් වේ යැයි
මනින්නට ඔබ උගෙන නැත තව


-බණ්ඩාර කේ විජේතුංග


ජය..
වැම්පයර්

Sunday, January 22, 2012

නෑසෙන ගී රස - ගුණදාස කපුගේ...

කපුගේ ගේ නෑසෙන ගී කිහිපයක් ...............
අහන්න බලන්න


මේ සඳේම සෙවනැල්ලේ අප හමුවූයේ
මේ සඳේම කඳුලැල්ලේ අප වෙන්වූයේ

සීත හිමවතේ හමන මාරුතේ
සීත හිමවතේ හමන මාරුතේ
මේ වගේම සිහිලැල්ලේ අප තනිවූයේ

දෑස බොඳ වෙලා දෙසිත ගොළුවෙලා
දෑස බොඳ වෙලා දෙසිත ගොළුවෙලා
මේ වගේම ‍රැයක එදා අප වෙන්වූයේ


කුලරත්න ආරියවංශ, රෝහණ වීරසිංහ



පියාඹන්න අවසරයි පියාපතද සැහැල්ලුයි
ඉතින් නිල් අහස මගෙයි
මගේ පුංචි කුරුල්ලෝ නිල් අහස විසාලයි
නුඹ ගැන තවම මට බයයි

විලිකුන් මියුරු පලින සැරසුණු වනන්තරය
එන්නැයි ලඟට අතවනයි
සසලව නොයන් පුතුනි පලවැල පිරුණු අරණ
මේ මුළු ලොවෙම උරුමයයි

අත්ත‍ටු සලන අතර උපදින සීත සුළඟ
මුළු ලොව නිවා සනසවයි
ඒ සිහිලැල් සුළඟම පුතුනේ ලොව රිදවන
සැඩ සුළඟකට මුලපුරයි

-මිත්‍ර කපුගේ සහය ගායනය


වැරහැළි ඇඳ අඩු කුළියට සළු මැසුව කුමාරී
ඉඳික‍ටුව අතේ ඇනුනාදෝ නිදන කුමාරී

තණ පලසේ බිම හොවින දිගාවී
ළැම කිණිසි තුඩක් ඇණුන කුමාරී
කණකර ගලවා ‍රැයට මුලාවී
මරු ‍රැගෙන ගියේ කොයිද කුමාරී

බිම යකඩ කඳන් වලට මුලාවී
සුදු මිනී මලක් නඩුව කියාවී
සත් පතිනි මවුන් අවදිව ඒවී
උන් උදුරාගත් සළුව ගෙනේවී

http://blogvampa.blogspot.com/2010/06/gunadasa-kapuge-living-legend.html
http://blogvampa.blogspot.com/2010/07/mariyawe-gunadasa-kapuge.html


http://blogvampa.blogspot.com/2010/07/sunflowers-with-gunadasa-kapuge-true.html

http://blogvampa.blogspot.com/2010/07/punishment-transfer-of-gunadasa-kapuge.html


http://blogvampa.blogspot.com/2010/09/ran-banda-senevirathne-01-01.html


ජය..
වැම්පයර්

Saturday, January 21, 2012

විජය කුමාරණතුංග I - Vijaya Kumaranathunga



හොඳ පෞරුශත්වයක්, රංගන හැකියාවක්, ගායන හැකියාවක්, රූපයක්, කථිකත්වයක් යන සියළු අංගෝපාංගයන් ගෙන් සැදුම්ලත් මිනිසුන් වේ නම් ඒ මුළු ලොවෙහිම අල්ප ප්‍රමාණයකි. විජය කුමාරණතුංග නම්වූ මිනිසාට ඒ සියළු දේම අඩු නැතිව පිහිටා තිබුණි. සිංහල සිනමාවේ විජයාගමනය සටහන් වන්නේ සුගතපාල සෙනරත් යාපා අධ්‍යක්ශණය කරන්නට යෙදුනු "හන්තානේ කතාව" චිත්‍රපටයත් සමගයි. නවසිය හැට නවයේ තිරගතවුණු ගමෙන් නගරයේ සරසවියකට ආ තරුණයෙකුගේ කතාව තේමා කරගත් "හන්තානේ කතාව", පසුව තිරගත වූ "දුහුළු මලක්", "දියමන්ති" වැනි චිත්‍රපට වලට හොඳ කතා තේමාවක් සැපයූ වග මගේ හැඟීමයි. මෙහි විජයගේ රංගනය පසුකාලීනව තරම් ඔප මට්ටම් තත්වයේ නොවූවත් දුර ගමනක පෙර නිමිති මොනවට කියාපාන්නක් වුණා. ( මගේ පුද්ගලික අදහස අමරසිරි කලංසූරිය - සහය නළු - හන්තානේ කතාව, ගේ චරිතාංග නිරූපණ හැකියාව විජයට වඩා පිම්මක් ඉදිරියෙන් තිබූ බවයි. නමුත් ඔහුට සිංහල සිනමාවේ පෙම්වතාට සුදුසු වන රූපයක් තිබුණේ නෑ අවාසනාවට!)

හන්තානේ කතාවේ රූගත කිරීම් අතරතුර විජය කුමාරණතුංගට ප්‍රේමසිරි කේමදාසයන් මුණගැසීම සිදුවුණා. සංගීතය පිළිබඳ කිසිදු දැනීමකින් තොරව අපූරුවට ගැඹුරු හඬකින් ගී ගයන විජය කුමාරණතුංග තරුණයා පිළිබඳව කේමදාස මාස්ටර් එකෙණහිම පැහැදුණු බව සඳහන්.


හන්තානේ කතාවෙන් ඇරඹි විජයගේ සිනමා ආගමනයේ සුප්‍රසිද්ධ මං සලකුණු ලෙස කරුමක්කාරයෝ, දියමන්ති, ගඟ අද්දර, නැවත හමුවෙමු, තුෂාරා, දුලීකා, මේ දෑස කුමටද, බඹරු ඇවිත්, හිඟන කොල්ලා, රජ වැඩකාරයෝ වැනි චිත්‍රපට මතකයට නැඟේ. ගඟ අද්දර චිත්‍රපටයත් සමග ක්‍රියාකාරී පසුබිම්, සරළ ගී ගායකයෙකු ලෙසද ජන බුහුමනට විජය පාත්‍ර වීමට පටන් ගති.

විජය කුමාරණතුංග - ඔගස්ටස් විනයාගරත්නම් - නිමල් මෙන්ඩිස් -  ලෙටීශියා බොතේජු ගේ "ගඟ අද්දර" නවකථාව ඇසුරින් සුමිත්‍රා පීරිස් තිර රචනය කොට අධ්‍යක්ෂණය කළ "ගඟ අද්දර"

විජය කුමාරණතුංග විවාහ ගිවිසගෙන සිටියේ මාලිනී ෆොන්සේකා මහත්මිය සමගයි. නමුත් විවාහ දිනයේදී විජයගේ අයියා (ජීවන් කුමාරණතුංග ගේ පියා) හදිසි හදවත් ආබාධයකින් මිය යනවා. විජය ගේ මඟුල් ඇඳුම තමයි මිනී ඇඳුම බවට පරිවර්තනය වෙලා තියෙන්නේත්. ඒ එක්කම විජයගේ විවාහය කල් යනවා. පසුව මාලිනී හා විජය විවාහ නොවී සිටීමට තීරණය කරනවා. එකළ තිරගතවූ සියළුම සිංහල චිත්‍රපටවල වගේ "ටැග් ලයින් එක" වුණේ "තවත් විජය මාලිනී පෙම් පුවතක්" යන්නයි. කිහිපයක හැරෙන්නට සියළුම චිත්‍රපටවල  වාගේ විජයගේ ගී හඬ වුණේ ජෝතිපාලයන්ගේ හඬයි.

මේ දෑස කුමටද චිත්‍රපටයේ..දොන් සිරිසේන සමඟ (රෝයි ද සිල්වා)

මිහිදුම් සිහින චිත්‍රපටයෙන්

නවසිය හැත්තෑ හතේ ජේආර් ආණ්ඩුව බලයට පත්වෙද්දී සම්පූර්ණයෙන්ම වාගේ බිඳවැටී තිබුණු ශ්‍රීලනිප ය පුබුදුවාලීමට විජයගෙන් ලද දායකත්වය හේතුවෙන් පක්ෂ උප ලේකම් පදවියද ඔහුට හිමිවන්නේ ශ්‍රී ලාංකික ක්‍රියාකාරී දේශපාලනයේ ස්ථිර ස්ථානයක් ලැබගනිමිනි.



ඉන් වසරකට පමණ පසුව චන්ද්‍රිකා බණ්ඩාරණායක සමග විවාපත් වන විජය හෙක්ටර් කොබ්බෑකඩුව ගේ ඡන්ද සටනේ මූලිකත්වය ගෙන කටයුතු කළේය. පසුව ආණ්ඩුවට විරුද්ධව ජනබලය මෙහෙයවීමේ වරදට සිරභාරයට පවා පත්වීය.


-මතු සම්බන්ධයි

පෙබරවාරි දහසයවැනි දිනට යෙදෙන විජය කුමාරණතුංග ගුණානුස්මරණය වෙනුවෙනි.

ජය..
වැම්පයර්

Thursday, January 5, 2012

ගණිතයේ අලංකාරතම සමීකරණය

ලියොනාඩ් ඉයුලර් කියන්නේ ස්විස්-ජර්මන් සම්භවයක් ඇති අති විශිෂ්ඨ ගණිතඥයෙක්. ඔහුගේ සොයාගැනීම් හා ඔහු විසින් දායාද කරන්නට යෙදුන බොහෝ දෑ නූතන විද්‍යාවේ දියුණුවට මහත් පි‍ටුබලයක් වූ වග නොරහසක්. විශේශයෙන්ම ග්‍රාෆ් තියරි (graph theory) යන ගණිතමය සංකල්පය ඔහුගේ අදහසක්.
ඉයුලර් සර්වසාම්‍යය ගණිතයේ අලංකාරතම සමීකරණය ලෙස ලොව ප්‍රසිද්ධයි. පහත දැක්වෙන්නේ එයයි.


$e^{i \pi} + 1 = 0$


මෙහි තිබෙන විශේෂ ලක්ශණය වන්නේ ගණිතයේ ඇති බොහෝ අලංකාර පද මේ සමීකරණයේ අඩංගු වීමයි.

pi - මේක නං නියම නොම්මරයක්, පස්සෙ මොනවහරි කියන්නම්
e - ඉයුලර්ගෙ නොම්මරේ, ප්‍රකෘති සවභාව ලඝුගණක වල පාදය (2.718...)
1 - ගුණන සර්වසාම්‍යය
0 - එකතුකිරීමේ සර්වසාම්‍ය
i - මේකත් මරු. i යනු ඒකක අතාත්වික නියතයයි (unity - imaginary)


මේ සමීකරණයේ ජ්‍යාමිතික විශ්ලේෂණයක් හා පැහැදිළි කිරීමක් පැවතුණත් දැනට කිසිවෙකුත් මෙහි ගණිතමය විශ්ලේෂණ නිරූපණයක් analytical representation එකක් ඉදිරිපත් කිරීමට අපොහොසත් වී තිබෙනවා. උසස් පෙල ශුද්ධ ගණිතය හදාරන සිසුවෙකුට පැහැදිලිව මේ සර්වසාම්‍යය සත්‍යක් බවට ඔප්පු කළ හැකියි.

මේකෙ ජොලිය තමයි ඉතින් මේකෙ 1,0 ඇරුණම අනිත් ඒව ඔක්කොම අපරිමේය සංඛ්‍යා ගණයට වැටීම. ඒ කියන්නෙ දශමස්ථාන ඉවර වෙන්නේ නෑ කොච්චර ලිව්වත්. pi, e වගේ ඉලක්කම් දශමස්ථාන දහස් ගණන් දක්වා නිවැරදිව ලබාගෙන තිබෙනවා, ඒ වගේම ඒවා පුනරාවර්තන දශම ඉලක්කම් නොවේ. එහෙම දෙකක බල ගුණිතයට එකක් එකතුකළාම උත්තරේ බිංදුවයි. ඕං බලන්නකො වැඩේ!, මක්කිව්වා.. ඔව්.. මේකෙ i ගෙන් සෑහෙන්න දෙයක් වෙනවා තමා!

උ.පෙළින්. පසුව සඟරාවකට ලියූවක කොටසක් බ්ලොගයට ගැලපෙන අයුරින් සකස් කරන ලදී. සමීකරණ බ්ලොග් දාන්න කාංචන විසින් හඳුන්වාදුන් ටූලය බාවිතා කරන ලදී..

ජය..
වැම්පයර්

Tuesday, January 3, 2012

කලකට පස්සේ..


සෑහෙන්න කාලෙකින්. පහුගිය දවස් ටිකේම කරදර. ශරීර කූඩුව නිකං මස්තබාල්දු වෙලා තිබුනෙ. ගෙට් ‍ටුගෙදර් ම තුනක් මිස්. දතුත් ගලවනවා හතරක්ම! අර හක්කෙ මුල්ලෙ එන සෙට් එක. හොදි ඕන නෑ ඉතිං. මාර සනීපයි.

මුල්ම දත ගලවද්දි  අර මුලින් හිරි වැටෙන්න මොකක්ද ගහනවනේ. ඕං මටත් ඒක ගැහුව. ම්හු.. හිරි වැටෙන්නෙම නෑ. දැං ඩොකා බලං ඉන්නව දැං හිරි වැටෙයි දැං හිරිවැටෙයි කියල. ආරංචියක් නෑ. ඒ පාර මම කිව්ව ඉතිං හිරි වැටිලද දන්නෙ නෑ, මොකෝ මම දන්නෙ නෑ නෙ හිරි වැ‍ටුනම මොන වගේද කියල.  මූ හෙන උලක් අරන් ඇන්න නේද ටෙස් කරන්න කියල.. හෆොයි!

අද භාරත ගී වින්දන අහද්දියි දැනගත්තෙ ශම්මි කපූර් මැරිල කියල!  මැරිල තියෙන්නෙ පහුගිය අගෝස්තු වලදිලු!

නවසිය පනස් ගනන්වල ඉඳන් හැත්තෑවෙ අගට වෙනකම් ශම්මි කපූර් කියන්නෙ බොලිවුඩයේ අතිශය ජනප්‍රිය චරිතයක්.  ස්වභාවයෙන්ම ඔහුට උරුම වුණ හාස්‍ය මුසු රංගන විලාශය සතුවූ වෙනත් නළුවෙක් බොලිවුඩයේ බිහි නොවුණු තරම්. පහත ගීතය උපුටා ගැනෙන්නේ ජන්වාර් චිත්‍රපටයෙන්. ගීතය ගයන්නේ මොහොමඩ් රා‍ෆි.



පුළුවන් නම් කියන්න බලන්න මේකෙ සිංහල කොපිය මොකක්ද කියලා...




එහෙනං. කට්ටියටම සුබ නව වසරක්!


PS
භාරත ගී වින්දන වැඩසටහන ඉදිරිපත් කරන රංජිත් මහතාට ස්තුතියි.

LinkWithin

Related Posts with Thumbnails