Saturday, June 2, 2012

බලු මස් කෑම - Dog Meat

මම කාලයක් පාට් ටයිම් වැඩ කරපු තැනක හිටියා කොරියන් කාරයෙක්. අපි මිනිහට කියමු ජුං කියලා. අර මාරයාගේ ජුංඅලයා නෙවයි, මූ  ජී-ජුන්ග්. ඔන්න එක දවසක් පොර මට කියපි මුගේ යාළුවෙක් ඇවිල්ලා ඉන්නවා කොරියාවේ ඉඳලා මෙහේ පදිංචියට,  ඌ බලන්න යමු කියලා.
මටත් ඉතිං සති අන්තය වැඩි වැඩක් තිබුණෙ නැති නිසාත් එතැන ඩියුටි ‍ෆ්‍රී අයිටම් තිබීමේ සෑහෙන්න ලොකු සම්භාවිතාවත් තිබුණ නිසාත් මමත් කකුල් දෙකෙන් ම කැමතිවුණා මුගේ යාළුවා බලන්න යන්න.

ඔන්න ඉතිං අපි දෙන්නා හිස් අතින්ම ගියා අළුත් බුවා බලන්න. මිනිහත් නියම බුලට් එක.   ජාත්‍යන්තර බාසාවෙන් තමයි ඉතිං අමාරුවෙං කතාව. අපි දන්නවද කොරියන්.

හරි දැං කතාව.. දැං තමයි පටංගන්නේ...

කොහොම හරි ටික වෙලාවක් යද්දි දොඩමළු වීම වැඩි වෙනවනේ. අළුත් බුවා කියනවා..(සිංහලෙං නෙවයි ඉතිං)

"මචංලා.. මට මෙහේ සුපර් මාකට් එකකදි බලු මස් හම්බුණා නේ.., මාස දෙකකිං විතර රහ  බැළුවේ..!!"

මටයි ජුං ටයි ෆුල් හොල්මං. අපි නොදන්න බලු මස් මෙහේ සුපර්මාකට් වල..ජුං කියපි..

"පිස්සුද බං.. මෙහේ නෑ නෙ බලු මස්..."

"නෑ නෑ.. මේ මම ඊයෙත් කෑවා.."

"ඒක නං කොහොමත් ම වෙන්න බෑ.. මෙහේ බලු මස් විකුණන්න බෑ..!"

"හරි පොඩ්ඩක් හිටහං මම ඒ ටින් එක ගේන්න.. බින් එක අස් කළේ නෑ ඊයෙ ඉඳලා..බින් එකේ ඇති..!" ඒ අළුත් බුවා..

"කොහොමද රස..?" ඒ හිනාව තද කරගත්තු ජුං..

"කොරියාවෙ තරම්ම නෑ..ටිකක් වතුර රහයි ඊට වඩා"...

ප.ලි.

ඇත්තටම මේකත් නියම වැඩක් නේ. අපි මාළු ටින් එකක් ගත්තොත් ඒකෙ මාළුවෙක්ගෙ රූපයක් තියෙනවා. බීෆ් ටින් එකක් ගත්තොත් හරකෙක් ඉන්නවා. ඒත් බල්ලෙක් ඉන්න ටින් එකක් ගත්තොත් ඒකෙ තියෙන්නෙ බලු මස් නෙවයි.. බල්ලන්ට දෙන පොශ් කෑම. අනේ මන්දා..



බ්ලොග් එක පටං අරගෙනත් අවුරුදු දෙකක් පහුවුණා. ලිවීම නං වැඩි වෙන සීඝ්‍රතාවයෙන් අඩු වෙනවා.

23 comments:

  1. කතාව පැත්තකින් තියමුකෝ...මොකක්ද බං අර අන්තිමටම කියපු වාක්කිය.. උඹත් දැන් අර සම්භාවිය ලියන උන් වගේ වචන තුනෙන් කියන්න පුළුවන් එක වචන නවයෙන් කියන්න හදනවද..?

    ReplyDelete
    Replies
    1. පිස්සුද බං මාරයියෙ. මම ඇත්ත කිව්වෙ හැබැයි. ලිවීම අඩුවීමේ සීග්‍රතාවය වැඩි වෙනවා..

      Delete
  2. කොහොමද අරූට ආතල් එක ඇත්ත සිද්දිය දැනගත්තාම

    ReplyDelete
    Replies
    1. ඌට ඇත්ත සිද්ධිය කිව්වෙ පහුවදා.. එවෙලෙ කිව්වනං ඌ අපි දෙන්නම කනවා..

      Delete
  3. හිහ්.. වතුර රහයි.. මොකෝ වෙන්නේ අප්පා කැවා කියලා ඔව්වා හොද ප්‍රමිතියෙන් තියෙන එව්වානේ..මැරෙනවායි කැවා කියලා...

    ReplyDelete
  4. අපෝ ඕකුන් කන ජරාවෙ හැටියට අපේ බල්ලෝ කන එව්වා පිරිසිඳු ඇති./ අමු බුවල්ලෝ පනපිටින්ම කටේ දාගන්නවා . වියට්නාමයේ උනුත් බලු මස් කනවා . පෝස්ට් එකක් ලියන්න හිතලත් නිකා හිටිය .වමනේ යනවා මතක් වෙනකොටත්

    ReplyDelete
    Replies
    1. ඔව් මමත් අහලා තියෙනවා..

      Delete
  5. මිනිස්සුන්ගේ කෑමට වැඩිය ගනන්ද කොහිද බං බලු කෑම! සුබ පැතුම් අවුරුදු දෙකට!

    ReplyDelete
    Replies
    1. ඔව්.. ස්තුතියි..

      Delete
  6. මම උනත් ඕක දැක්කනං ඇපෝ බලු මස් කියල අහක බලං යන්න තිබ්බ. අදමයි ඔය වගේ ටිං කරපු බලු කෑම ටිං එකක් දැක්කෙ.

    ReplyDelete
    Replies
    1. සිරාවට.. සිංහලෙං ඕකට මිස්ලීඩිං කියල කියනවා

      Delete
  7. හී හී...ලස්සන කතාව. සුපර් මාර්කට් එකේ රාක්කවල තියන බලු කෑම ටින් මාර ලස්සනයි. කුකුල්, බැටලු, හරක්, මස් ජාති සහ පීකුදු වර්ග. බත් සහ එලවලු. මෙහේ බව්වන්ට හරි සැප.:D

    ReplyDelete
    Replies
    1. ඔව් ඒකනං ඇත්ත..

      Delete
  8. සුභ පැතුම්
    අවුරුදු දෙකක් තිස්සේ බෙදාගත දේවල්වලට ස්තුතියි

    ReplyDelete
    Replies
    1. ‍රැඳී සිටියාට තුති..

      Delete
  9. ඉක්කේයීයා... අවුරුදු දෙකට සුභ පැතුම් ඈ..

    ReplyDelete
    Replies
    1. ‍රැඳී සිටියාට තුති..

      Delete
  10. අවුරුදු දෙකට සුභ පැතුම්....

    අර යාලුවා මරු. :))))
    මටත් වෙලා තියෙන්නෙ ඔය අන්තිමට කියපු එකම තමා.

    ReplyDelete
  11. okunta kanna jathi natuwada manda balu mas kanne.mala jarawa.
    Hoda wade buwata.

    ReplyDelete

මොනවා හරි කුරුටු ගාමු... comments will be visible after approval ...!

LinkWithin

Related Posts with Thumbnails